Лінкі ўнівэрсальнага доступу

Фігурант «справы патрыётаў» Мікалай Міхалькоў на волі


Мікалай Міхалькоў

Праваабарончы цэнтар «Вясна» паведаміў, што кіраўнік бабруйскага клюбу «Патрыёт» Мікалай Міхалькоў адпушчаны на свабоду.

Раней на волю выйшаў ягоны сын Ян.

Міхалькоў-старэйшы заставаўся апошнім зь фігурантаў справы аб падрыхтоўцы масавых беспарадкаў з ліку сябраў клюбу.

Мікалай Міхалькоў быў затрыманы 24 сакавіка і першапачаткова знаходзіўся ў СІЗА КДБ, дзе яму было афіцыйна прад’яўлена абвінавачаньне па частцы 3 артыкулу 293 Крымінальнага кодэксу, які тычыцца масавых беспарадкаў.

Пасьля Міхалькова перавялі ў СІЗА № 1 на вуліцы Валадарскага. Ён быў адным з трох фігурантаў справы, якім не прад’яўлялі дадатковага абвінавачаньня, зьвязанага са стварэньнем незаконнага ўзброенага фармаваньня.

Як паведамілі Радыё Свабода знаёмыя Мікалая Міхалькова, у пятніцу яму трэба ехаць у Менск на чарговы допыт.

За кратамі застаюцца яшчэ 17 фігурантаў справы.

Ваша меркаваньне

Паказаць камэнтары

XS
SM
MD
LG