Лінкі ўнівэрсальнага доступу

Міхаіла Каўко, які падпаліў сябе ў цэнтры Менску, аштрафавалі


Як апавёў Свабодзе Міхаіл Каўко, ён быў гатовы і да горшага, калі ішоў на акцыю.

Навучэнца мастацкай студыі Fortinbras пры Свабодным тэатры Міхаіла Каўко абвінавацілі ў арганізацыі несанкцыянаванага мерапрыемства. За гэта яму прысудзілі штраф у 20 базавых велічынь (3 600 000 рублёў альбо 194 даляры), хаця пакараньне па такім артыкуле магло быць удвая большым.

Міхаіл Каўко сказаў Свабодзе, што быў гатовы і да горшага:

«Канечне, спатрэбіцца дапамога, будзем шукаць у праваабаронцаў, але дакладна яшчэ ня ведаем. Гэта ня тое пытаньне, якое зараз будзем абмяркоўваць. Калі ішоў на акцыю, чакаў, што можа быць і арышт, таму штраф — гэта яшчэ ня самае кепскае, што магло б адбыцца.

Вядома, я рыхтаваўся да акцыі і дакладна ведаў, што мне рабіць. Таму ніякай пагрозы ні для сябе, ні для людзей, якія былі побач, не было. Як я бачыў у інтэрнэце, мо на адзін дзень, мо на два, але пачалі абмяркоўваць гэтую праблему людзей з кепскім слыхам і немагчымасьцю выкліку экстраных службаў. Паглядзім, якія будуць далейшыя наступствы».

25 сьнежня на пляцоўцы каля Ратушы, дзе ў гэты час адбывалася сьвяточная калядная імпрэза, Міхаіл Каўко правёў адзіночны пікет — ён апрануў адмысловыя пальчаткі з гаручым рэчывам і падпаліў іх. На сабе Каўко трымаў таблічку «Мы будзем гарэць — ім будзе пляваць». Акцыя ладзілася ў падтрымку людзей з парушэньнямі слыху, якія ня могуць выклікаць службы экстранай дапамогі.

«Гэта быў не пікет, а арт-інсталяцыя» — Міхаіл Каўко
пачакайце

No media source currently available

0:00 0:00:36 0:00

Міхаіл Каўко ў судзе
Міхаіл Каўко ў судзе

Актывіст зладзіў пэрфоманс — «самаспаленьне» у цэнтры Менску і яго не затрымалі
пачакайце

No media source currently available

0:00 0:01:07 0:00

За 24–27 сьнежня студэнты тэатральнай лябараторыі Fortinbras пры беларускім Свабодным тэатры разам з інвалідамі-вазочнікамі правялі цэлы шэраг мастацкіх акцыяў, блякавалі рух транспарту на інвалідных вазках, ладзілі «гонкі» вазочнікаў, надязвалі маскі і спрабавалі прайсьці па горадзе ўсьляпую, трансьлявалі на сьцены на будынкаў фатаздымкі з праекту «Камін-аўт».

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG