Лінкі ўнівэрсальнага доступу

Надвор’е 9 студзеня: «аранжавы» ўзровень небясьпекі. Моцныя маразы адступяць удзень, але захаваюцца ноччу


Маразы ў Менску, архіўнае фота

«Аранжавы» ўзровень небясьпекі ў сувязі з моцнымі маразамі захоўваецца. Мэдыкі раяць не апранаць цесную вопратку, не стамляцца фізычна і добра сілкавацца перад выхадам на вуліцу.

У ноч на 9 студзеня, паводле прагнозу сыноптыкаў з Мінпрыроды, тэмпэратура паветра на паўночным усходзе краіны апусьціцца да мінус 25 –29 градусаў, у цэнтральных раёнах краіны да 24 градусаў марозу, на захадзе і поўдні — да мінус 17 градусаў.

Сыноптыкі мяркуюць, што ноч пройдзе без ападкаў, за выключэньнем асобных раёнаў на паўднёвым усходзе, дзе магчымы невялікі сьнег.

Удзень 9 студзеня сыноптыкі чакаюць па захадзе — да мінус 6- 9 градусаў, на паўночным усходзе Беларусі да мінус 13-16 градусаў марозу, на паўднёвым захадзе краіны мінус 8-10 градусаў. У Менску прагназуецца да –12 градусаў марозу.

У ноч на 8 студзеня халадней за іншыя месцы было ў райцэнтры Гарадок Віцебскай вобласьці –34,4 градусы ніжэй за нуль, цяплей за іншыя раёны было ў Брагіне на Гомельшчыне –17,7 градусаў ніжэй за нуль.

Катаклізмы надвор’я ў сьвеце 7 студзеня. Відэа
пачакайце

No media source currently available

0:00 0:01:25 0:00

Міністэрства надзвычайных сытуацый паведамляе, што «аранжавы» ўзровень небясьпекі ў сувязі з моцнымі маразамі захоўваецца і папярэджвае аб неабходнасьці прымаць захады, каб захаваць здароўе людзей і аберагчы ад халадоў тэхніку і транспарт.

У халоднае надвор’е мэдыкі раяць не апранаць цесную вопратку, не стамляцца фізычна і добра сілкавацца перад выхадам на вуліцу. Бацькам варта навучыць дзяцей правільна дыхаць ледзяным паветрам праз нос, сагравацца, расьціраючы сухія рукі, увесь час рухацца.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG