Лінкі ўнівэрсальнага доступу

Прысуд Ларычаву вынесуць 6 чэрвеня. Яго сяброўку аштрафавалі

абноўлена

Алег Ларычаў, архіўнае фота

Абноўлена. Прысуд у справе Алега Ларычава вынясуць 6 чэрвеня, яго не затрымлівалі. Ганьне Новік прысудзілі штраф у 10 базавых велічыняў (230 рублёў).

Куратар стрыт-арт-праекту Signal Алег Ларычаў паведаміў у адной з суполак у мэсэнджэры Telegram (пазьней пацьвердзіў тое ў Twitter), што быў затрыманы міліцыяй разам зь сяброўкай Ганнай Новік, пры іх былі фарбы і трафарэты з сымболікай «Белага легіёну». Іх нібы вінавацяць у «дробным хуліганстве», але ў чым яно складалася, невядома. Судзіць Ларычава мае судзьдзя Віталь Сямёнаў.

На тэлефанаваньні Ларычаў не адказвае. Паводле допісу, Ларычава затрымалі ў суботу, 3 чэрвеня, а зранку 5 чэрвеня павезьлі ў суд Кастрычніцкага раёну Менску.

Як перадае з суду блогер Раман Пратасевіч, першай судзяць Новік. Паводле суду, Новік і Ларычаў «каля 2:40 ночы на вуліцы Магілёўскай гучна лаяліся матам, на заўвагі не рэагавалі». Іх затрымалі «людзі ў цывільным», закінулі ў мікрааўтобус.

Алег Ларычаў раней адсядзеў 5 сутак за нібыта «маханьне рукамі і нецэнзурную лаянку», да таго Ларычава аштрафавалі на 1150 рублёў за дамалёўку калючага дроту на мурале «Масква-Менск». Ларычаў кажа, што адчуў на Акрэсьціна «асаблівае стаўленьне», зьвязвае гэта з тым, што старонка ягонага праекту Signal паведамляла ў сацсетках пра палітычныя графіці і аплікацыі ў Менску (хто іх рабіў, невядома). На пачатку красавіка Ларычаў быў зьбіты двума невядомымі, нападнікаў дагэтуль не знайшлі.

Глядзець камэнтары (7)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG