Фота з будаўніцтва Керчанскага маста, які мае злучыць Расею з украінскім Крымам, анэксаваным Расеяй у 2014 годзе.
Як Расея будуе мост у анэксаваны Крым. Фота
1
Ліпень 2016 году. Людзі каля расейскага мястэчка Тамань глядзяць на будаўніцтва Керчанскага моста, што выгінаецца на 19 км у бок акупаванага Расеяй украінскага Крыму. Каля 5000 людзей працуе кругласутачна над праектам, што пачаўся ў траўні 2015 году.
2
Верасень 2016 году. Хвалі б’юцца аб канструкцыі першай марской апоры для аўтамабільнага моста. Як пісаў у траўні 2017-га New Yorker, «Будаўніцтва новых аўтамабільных дарог у Расеі практычна прыпыненае», а Керчанскі мост працягваюць будаваць.
3
Сакавік 2017 году. Прамежак моста, на які маюць устанавіць пралётныя аркі, каб пад імі маглі праплываць караблі. Праект крытыкуюць за тое, што падмоставы габарыт транспартнага праходу занадта малы, толькі 35 м ад вады да канструкцыяў моста. Першапачатковы праект прадугледжваў 50 м.
4
Красавік 2017 году. Інжынэр правярае аэрадынаміку мадэлі аркі моста ва ўмовах скразнога ветру. Расея абвяшчала, што на час устаноўкі арак у жніўні і верасьні Керчанская пратока будзе закрытая для суднаходзтва. Украіна лічыць закрыцьцё судаходзтва Расеяй «яшчэ адным грубым парушэньнем Расеяй міжнароднага права (на поўнач за пратокай — Азоўскае мора, берагі якога належаць як Расеі, так і Ўкраіне).
5
Травень 2017 году. Вадалазы знайшлі на месцы будаўніцтва моста амэрыканскі зьнішчальнік Curtiss P-40 Warhawk часоў Другой усясьветнай вайны. У час вайны, у 1944 годзе Саветы збудавалі мост, што злучаў Крым з Краснадарскім краем, але той паваліўся празь некалькі месяцаў, ня вытрымаўшы націску льдоў.
6
Ліпень 2017 году. Фатограф Станіслаў Забурдаеў, які зрабіў гэты здымак зь бесьпілётніка, кажа, што тэмпы будаўніцтва зьдзіўляюць: «Я быў там і летась. Да завяршэньня яшчэ далёка, але за год зроблена шмат што, я сапраўды зьдзіўлены».
7
Канец ліпеня 2017 году. Асноўныя 227-мэтровыя аркі моста амаль завершаныя. Адна з арак мае падтрымліваць дзьве чыгуначныя лініі, другая — чатыры аўтамабільныя паласы.
8
Пачатак жніўня 2017 году. Аркі рыхтуюць да пагрузкі на плавучую сыстэму.
9
Сярэдзіна жніўня 2017 году. Каля месца будаўніцтва моста паставілі лаўку з надпісам «Крымскі мост». Першыя аўто плянуюць пусьціць па мосьце ў сьнежні 2018 году.
Катэгорыі
- Мультымэдыя
- Відэа
