Лінкі ўнівэрсальнага доступу

Заўзятар, які прабег па полі зь бел-чырвона-белым сьцягам, абвясьціў у турме галадоўку


Актывіст Аляксандар Вянгерскі, які на матчы БАТЭ з «Арсэналам» выбег на поле «Барысаў-арэны» зь бел-чырвона-белым сьцягам, адбывае 10 сутак арышту за дробнае хуліганства і нібыта непадпарадкаваньне міліцыі. Як перадае «Вясна», ён абвясьціў галадоўку.

У лісьце, які атрымаў вялейскі актывіст Аляксей Сюдак, Вянгерскі тлумачыць, што галадоўку абвяшчае празь нязгоду з абвінавачаньнем у непадпарадкаваньні міліцыі, бо «супрацоўнікі праваахоўных органаў давалі розныя паказаньні, а аднаго зь іх я ўбачыў у залі суду ўпершыню». Ён заяўляе, што зь ягонага боку не было непадпарадкаваньня ці зьнявагі да міліцыянтаў.

Таксама Вянгерскі піша, што ладзіць галадоўку ў падтрымку ўсіх палітзьняволеных, якія цяпер знаходзяцца за кратамі.

10 сутак за бел-чырвона-белы сьцяг на футбольным полі
пачакайце

No media source currently available

0:00 0:00:47 0:00

XS
SM
MD
LG