Лінкі ўнівэрсальнага доступу

Незалежная кандыдатка, якая змагаецца за школу, перамагла «праўладную» ў Калінкавіцкім раёне


Ілюстрацыйнае фота

У вёсцы Каплічы Калінкавіцкага раёну дэпутатам мясцовага сельскага савету мае стаць, паводле папярэдніх вынікаў, незалежная кандыдатка Роза Стрэльчанка.

Жанчына атрымала бальшыню галасоў, хоць супраць яе выставілі «кандыдатку ад улады» — загадчыцу амбуляторыі. Стрэльчанка адзначае, што раней акруга была заўсёды «безальтэрнатыўнай», а на 11 месцаў у Капліцкім савеце выстаўляліся звычайна 11 кандыдатаў.

Стрэльчанка гаворыць, што сама яна цяпер не працуе, мае 3-ю групу інваліднасьці праз стан ног. Яна ня мае вышэйшай адукацыі (недавучылася, бо хварэў сын), працавала раней у дзіцячым садку, апошнім часам — прыбіральшчыцай. У аграгарадку, дзе жыве Стрэльчанка, 942 жыхары, зь якіх 144 — дзеці. Самыя балючыя пытаньні, паводле яе, гэта лазьня і школа.

Адзіны абраны апазыцыйны дэпутат расказаў, як улады прапусьцілі яго ў сельсавет

Роза Стрэльчанка кажа, што на пасьлявыбарчую сустрэчу ў мясцовым клюбе прыйшло каля 50 чалавек. Яна сказала ім, што не ўяўляла сябе ў ролі дэпутаткі, але спадзяецца, што паўнамоцтваў хопіць, каб разабрацца з закрыцьцём мясцовай школы (паўтара года казалі, што яна закрытая, у канцы лета міністар адукацыі растлумачыў, што не закрытая зусім — дзейнасьць часова прыпыненая).

Пра Стрэльчанку да выбараў рабіў сюжэты тэлеканал «Белсат»:

«Я спадзяюся, будуць паўнамоцтвы, атрымаецца данесьці да людзей праўду, якую не даносяць мясцовыя ўлады, і з жыхарамі нашага аграгарадка далей адстойваць нашыя інтарэсы, — кажа Стрэльчанка Свабодзе. — Мы, простыя людзі, ня верым, што нельга дагрукацца да Аляксандра Лукашэнкі пры такой праблеме, як у нас з нашымі дзеткамі.

На адзін Капліцкі сельсавет, на пяць вёсак адна школа была — і нас яе пазбавілі. Мы лічым, што пазбавілі незаконна, што будынак мэтанакіравана зьнішчаюць, другі год ён не ацяпляецца».

Аптымізацыя. Як зьнікаюць беларускія вёскі

Глядзець камэнтары (1)

Гэтая дыскусія закрытая.
XS
SM
MD
LG