Паводле папярэдніх дадзеных Цэнтарвыбаркаму, кандыдат ад незарэгістраванай Беларускай Хрысьціянскай Дэмакратыі Валер Білібуха стаў адзіным прадстаўніком дэмакратычнай апазыцыі, якога абралі дэпутатам па выніках мясцовых выбараў.
Вальшчыка лесу Білібуху паўторна абралі ў Першамайскі сельсавет Бярозаўскага раёну на Берасьцейшчыне. Цягам мінулых чатырох гадоў ён таксама быў адзіным апазыцыйным дэпутатам у Беларусі ў мясцовых саветах.
УЖЫВУЮ. Мясцовыя выбары, пасьляслоўе: вынікі і рэакцыі
У нядзелю 18 лютага ў Беларусі прайшлі выбары дэпутатаў мясцовых саветаў. Паводле ЦВК, датэрмінова прагаласавалі рэкордныя 34,95%, але сумарная яўка недацягнула да рэкорду: 77,05%. Выбары адбыліся, паводле папярэдніх зьвестак ЦВК, на 18 110 акругах — на ўсіх, акрамя адной, дзе адзіны кандыдат зьняў кандыдатуру яшчэ да пачатку выбараў.
