Лінкі ўнівэрсальнага доступу

Берасьцейцы пачалі здымаць «сталкерскі» сэрыял пра Чарнобыль


Кадар з сэрыялу «Чарнобыль — любоў мая»
Кадар з сэрыялу «Чарнобыль — любоў мая»

Студыя «Літр» зь Берасьця пачала на расейскім краўдфандынгавым сайце Planeta.ru збор грошай на фантастычны кінасэрыял «Чарнобыль — любоў мая».

На сэрыял зьбіраюць 160 тысяч расейскіх рублёў — каля 5500 беларускіх. На момант публікацыі сабрана 14 тысяч расейскіх рублёў. За 100 расейскіх рублёў прапануюць проста згадку ў тытрах, за 1000 — імя на афішы, за 5000 — названага ў гонар ахвяравальніка пэрсанажа, за 35 тысяч — магчымасьць выканаць ролю ў сэрыяле.

Здымкі пачаліся ўжо 30 верасьня, зацьверджаны сцэнар першага сэзону. Здымаюць у Беларусі, у тым ліку на былой ракетнай базе «Белы лес». Выпусьціць першы сэзон аўтары разьлічваюць да наступнай гадавіны Чарнобыльскай катастрофы.

Error rendering VK.

Аўтары кажуць, што сэрыял спалучае аповесьць братоў Стругацкіх «Пікнік на ўзбочыне» і ўкраінскую сэрыю відэагульняў S.T.A.L.K.E.R. У кнізе (і фільме «Сталкер» Андрэя Таркоўскага па матывах кнігі) дзеяньне адбываецца ў выдуманай краіне, а анамаліі выкліканыя ўмяшаньнем іншаплянэтнікаў, якія наведалі Зямлю, паляцелі прэч, але пакінулі пасьля сябе «зоны» зь незразумелымі людзям зьявамі і рэчамі.

Адсылка да Чарнобылю зьяўляецца толькі ў відэагульнях, афіцыйна не зьвязаных з кнігай, а толькі натхнёных «Пікніком». У гульнях (як і ў будучым сэрыяле) анамальныя зоны ўтварыў другі выбух на ЧАЭС.

Сярод выдаткаў на фільм аўтарскія выплаты праваўладальнікам «Пікніка» ці «Сталкера» не пазначаныя.

***

Самыя галоўныя і цікавыя навіны можна атрымліваць адразу ж, падпісаўшыся на Тэлеграм-канал Радыё Свабода.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG