Лінкі ўнівэрсальнага доступу

Адзін з аўтараў «крамлёўскага дакладу» заявіў пра падмену сьпісу


Эканаміст, знаўца эканомікі Ўсходняй Эўропы, экспэрт Атлянтычнай рады Андэрс Ослунд заявіў, што «крамлёўскі даклад» падмянілі ў апошні момант.

Паводле Ослунда, у пачатковым варыянце «крамлёўскага дакладу» пералічаліся прадпрымальнікі і алігархі, якія зарабілі свае багацьці незаконным чынам — праз сувязі ў Крамлі. Аднак у апошнюю хвілю нехта высокапастаўлены адкінуў усю працу экспэртаў і ўнёс у даклад імёны вышэйшых чыноўнікаў з адміністрацыі прэзыдэнта і ўраду Расеі і 96 расейскіх мільярдэраў зь сьпісу Forbes.

У аўторак Міністэрства фінансаў ЗША абнародавала «крамлёўскі даклад» — сьпіс 210 чалавек, набліжаных да Ўладзімера Пуціна. У іх ліку ўсе члены ўраду Расеі, супрацоўнікі адміністрацыі прэзыдэнта, кіраўнікі дзяржаўных карпарацый, праваахоўных ведамстваў, а таксама алігархі, супраць якіх могуць увесьці санкцыі. На думку Ослунда, цяперашні сьпіс «неэфэктыўны».

Андэрс Ослунд, архіўнае фота ©Shutterstock
Андэрс Ослунд, архіўнае фота ©Shutterstock

Прэзыдэнт Расеі Ўладзімер Пуцін заявіў, што Масква разглядае публікацыю сьпісу як «непрыязны акт», але адказваць на яго ня будзе, бо ня хоча пагаршаць адносіны з ЗША.

Закон пра пашырэньне антырасейскіх санкцый у адказ на ўмяшаньне Расеі ў амэрыканскія выбары прэзыдэнт ЗША Дональд Трамп падпісаў 2 жніўня 2017 году.

Васьмёрка расейскіх алігархаў з «крамлёўскага дакладу» ЗША, якія маюць інтарэсы ў Беларусі

Ваша меркаваньне

Паказаць камэнтары

XS
SM
MD
LG