Лінкі ўнівэрсальнага доступу

«Засталіся сур'ёзныя пытаньні адносна сумленнасьці», — амбасада ЗША пра беларускія мясцовыя выбары


Падлік галасоў на выбарах, ілюстрацыйнае фота

Злучаныя Штаты з занепакоенасьцю адзначаюць характар правядзеньня мясцовых выбараў у Рэспубліцы Беларусь 13–18 лютага 2018 году, гаворыцца ў заяве амбасады ЗША ў Менску, распаўсюджанай 23 лютага.

Нягледзячы на «некаторыя невялікія паляпшэньні ў элемэнтах працэсу рэгістрацыі кандыдатаў і вядзеньня агітацыі», амбасада мяркуе, што выбары ў цэлым не адпавядалі міжнародным абавязаньням Беларусі.

Мясцовыя выбары былі «максымальна бруднымі», — назіральнікі

«Мы шкадуем аб адсутнасьці істотных зьменаў у выбарчым працэсе ў адпаведнасьці з рэкамэндацыямі БДІПЧ АБСЭ і Вэнэцыянскай камісіі Рады Эўропы. На жаль, у дачыненьні да мясцовых выбараў засталіся сур'ёзныя пытаньні адносна сумленнасьці працэсу датэрміновага галасаваньня, выкарыстаных мэтадаў стымуляваньня выбарцаў да галасаваньня, непразрыстасьці падліку і зьвядзеньня галасоў, фармаваньня выбарчых камісій на неплюралістычнай аснове, абмежавальнага характару інфармацыйнага асяродзьдзя і заканадаўства.

І ў Менску, і ў Вашынгтоне мы заклікалі беларускія ўлады да сур’ёзнай рэформы выбарчага заканадаўства і выбарчых працэдураў у адпаведнасьці з рэкамэндацыямі БДІПЧ АБСЭ і Вэнэцыянскай камісіі Рады Эўропы. Мы працягваем заклікаць беларускія ўлады правесьці гэтыя рэформы як мага хутчэй, каб Беларусь змагла выканаць свае міжнародныя абавязаньні ў пэрыяд да наступных выбараў».

Паводле амбасады, Злучаныя Штаты выступаюць за пашырэньне ў Беларусі дэмакратычных свабодаў, у тым ліку ў выбарчым працэсе, за ўзмацненьне незалежнасьці і сувэрэнітэту Беларусі. Далейшыя станоўчыя крокі з боку Беларусі ў сфэры фундамэнтальных свабодаў «застаюцца важным кампанэнтам для ўмацаваньня двухбаковых адносінаў».

Шуневіч падзякаваў міліцыянтам за парадак на мясцовых выбарах. Пабілі толькі аднаго назіральніка

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG