Лінкі ўнівэрсальнага доступу

Лукашэнка прызначыў «памочнікам у агульных пытаньнях» Латышонка, які ахоўваў яго больш за 20 год


Аляксандар Лукашэнка (справа) і яго новы памочнік у агульных пытаньнях Мікалай Латышонак (зьлева)

Аляксандар Лукашэнка прызначыў 53-гадовага Мікалая Латышонка «памочнікам у агульных пытаньнях», піша БЕЛТА.

Мікалай Латышонак родам зь вёскі Забор’е Мёрскага раёну, вучыўся ў Разанскай вышэйшай паветрана-дэсантнай вучэльні (яшчэ ў РСФСР, цяпер – у Расеі), затым навучаўся (у канцы 1990-х і пачатку 2000-х) у Акадэміі кіраваньня. Служыў у 1988–1993 гадах у Казахстане, затым да 1995 году ў беларускіх памежных войсках.

Ад 1995 году Латышонак ​працаваў у Службе бясьпекі прэзыдэнта, дзе пачаў служыць старшым афіцэрам, даслужыўся да начальніка ўпраўленьня асабістай бясьпекі. У жніўні 2017 году Латышонак сышоў на службу ў запасе. Мае ўзнагароды «За службу Радзіме», мэдалі «За бездакорную службу».

Мікалай Латышонак (на фота зьлева) падчас наведваньня Лукашэнкам Гарадзкога цэнтру дзіцячай рэабілітацыі «Пралеска» 30 сьнежня 2013 году
Мікалай Латышонак (на фота зьлева) падчас наведваньня Лукашэнкам Гарадзкога цэнтру дзіцячай рэабілітацыі «Пралеска» 30 сьнежня 2013 году

Гуляў у якасьці нападніка у хакейным клюбе «Шчыт», што выступае ў Другой лізе чэмпіянату Менску сярод аматарскіх камандаў.

Пасьля аптымізацыяў у Лукашэнкі заставаліся тры памочнікі: Мікалай Корбут, Аляксандар Косінец і старэйшы сын Віктар Лукашэнка. У студзені Лукашэнка зьняў з пасады «памочніка прэзыдэнта ў агульных пытаньнях» Корбута, якога паўгода таму зьняў з пасады «памочніка прэзыдэнта».

Ваша меркаваньне

Паказаць камэнтары

XS
SM
MD
LG