Эўразьвяз 15 сьнежня абмяркуе падаўжэньне санкцыяў супраць Расеі. Гэтае пытаньне стаіць на парадку дня саміту кіраўнікоў дзяржаў ЭЗ, паведаміў журналістам высокапастаўлены нямецкі службовец.
13 сьнежня прэзыдэнт Францыі Франсуа Алянд і канцлер Нямеччыны Ангела Мэркель заявілі пра неабходнасьць падоўжыць дзеяньне абмежавальных мераў у дачыненьні Масквы. Паводле іх, прагрэсу ў рэалізацыі менскіх дамоўленасьцяў па-ранейшаму няма.
Эканамічныя санкцыі Эўразьвязу супраць Расеі канчаюцца ў канцы студзеня 2017 году. У Крамлі адпрэчваюць абвінавачаньні ў парушэньні менскіх дамоўленасьцяў, сьцьвярджаючы, што Расея не зьяўляецца бокам канфлікту на ўсходзе Ўкраіны.
Расея анэксавала Крым у 2014 годзе. Пазьней пачаўся канфлікт у Данбасе. Украіна і міжнародная супольнасьць вінавацяць Крэмль ва ўзброенай падтрымцы сэпаратыстаў. У Маскве заяўляюць, што армія Расеі ні ў якой форме ня ўдзельнічае ў канфлікце.