Расейскія войскі абстралялі пасажырскі цягнік у Сумах. У Расеі пасьля выбуху дрона пажар каля авіязаводу

Зафіксавалі пацэльваньні ў 19 аб’ектаў, яшчэ ў 9 месцах — пашкоджаньні ад падзеньня аскепкаў зьбітых дронаў.

Расейскія войскі прыцэльна б’юць па чыгунцы

У Сумскай абласной адміністрацыі паведамілі, што раніцай 10 лістапада расейскі бесьпілётнік атакаваў прыгарадны цягнік, калі ён стаяў на чыгуначнай станцыі. Абышлося без пацярпелых, бо пасажыраў у цягніку не было, а машыністы знаходзіліся ва ўкрыцьці.

На Харкаўшчыне восем пацярпелых, у тым ліку адно дзіця

Харкаўскую вобласьць расейскія войскі абстрэльваюць і ракетамі, і дронамі.

У абласным цэнтры пашкоджаны адзін шматкватэрны дом, 10 прыватных дамоў, электрасеткі, крама і аўтамабілі. Раненьні атрымалі 8 чалавек, у тым ліку хлопчык, якому няма 2 гадоў.

У Кіраваградзкай вобласьці пацярпела цывільная інфраструктура, параненыя ў цяжкім стане

У Кіраваградзкай абласной адміністрацыі паведамілі, што ў абласным горадзе Крапіўніцкім расейскія войскі атакавалі аб’ект цывільнай інфраструктуры. Два чалавекі атрымалі раненьні, яны ў цяжкім стане.

ГЛЯДЗІЦЕ ТАКСАМА:

Выведка Ўкраіны вызначыла расейцаў, адказных за ўдар па школе ў Запароскай вобласьці, дзе загінулі паўсотні чалавек

У Ноўгарадзкай вобласьці Расеі пацярпеў «аб’ект прамысловасьці»

Губэрнатар Ноўгарадзкай вобласьці Аляксандар Дронаў паведаміў аб начной атацы дронаў на рэгіён. Паводле яго, пацярпеў аб’ект прамысловасьці, а таксама два лецішчы ў выніку падзеньня аскепкаў дронаў. Аднак ён не ўдакладніў, якое прадпрыемства пацярпела.

Згодна з інфармацыяй украінскіх і расейскіх маніторынгавых каналаў, аб’ектам атакі, імаверна, быў 123-і авіяцыйны рамонтны завод у горадзе Старая Руса. На гэтым прадпрыемстве рамантуюць і абслугоўваюць самалёты Іл-76, Іл-78, Л-410 і рухавікі. Афіцыйнага пацьверджаньня пакуль няма.

Украінскі бок пакуль не камэнтуе гэтую інфармацыю.

ГЛЯДЗІЦЕ ТАКСАМА:

Як пасьля ўкраінскіх атак выглядае станцыя «Самара» ў Расеі, празь якую беларускія заводы атрымліваюць нафту. ФОТА