Хроніка перасьледу 7 жніўня: «экстрэмісцкімі» прызналі каналы колішніх палітвязьняў і ўкраінскай тэлевізіі

Вярхоўны суд Беларусі. Ілюстрацыйнае фота
Вярхоўны суд Беларусі. Ілюстрацыйнае фота

Свабода вядзе храналёгію судоў, затрыманьняў, іншага перасьледу з палітычных матываў у Беларусі.

Міністэрства інфармацыі Беларусі дапоўніла сьпіс «экстрэмісцкіх» матэрыялаў шэрагам Telegram-каналаў, а таксама старонак у сацыяльных сетках. Найбольш адзначыўся рэгіянальны суд у Гомельскай вобласьці.

«Экстрэмісцкімі», паводле ўладаў Беларусі, цяпер зьяўляюцца:

  • старонка праваабаронцы Леаніда Судаленкі ў Instagram (рашэньне суду Баранавіцкага раёну і Баранавічаў ад 5 жніўня),
  • Telegram-каналы Марыны Золатавай MZ live, «Розовые Косынки» (рашэньне суду Лоеўскага раёну Гомельскай вобласьці ад 5 жніўня)
  • Telegram-канал украінскага расейскамоўнага тэлеканалу FREEДОМ (рашэньне суду Лоеўскага раёну Гомельскай вобласьці ад 5 жніўня),
  • старонкі ў TikTok: «Жыве Беларусь», stop_tarakan, «ЖЫВЕ БЕЛАРУСЬ», «жыве Беларусь Гомель 222334455» (рашэньне суду Лоеўскага раёну Гомельскай вобласьці ад 5 жніўня),
  • старонка ў Instagram kajusizo (рашэньне суду Баранавіцкага раёну і Баранавічаў ад 5 жніўня).

У сьпіс «экстрэмістаў» улады дадалі 4 чалавек

  • Максім Дзямчук, 32 гады
  • Васіль Краўчук, 52 гады
  • Валянцін Лазоўскі, 63 гады
  • Андрэй Цыганкоў, 39 гадоў

Чаму гэта важна

У Беларусі жорсткія рэпрэсіі пачаліся пасьля прэзыдэнцкіх выбараў 2020 году, калі па ўсёй краіне прайшлі масавыя акцыі пратэсту супраць фальсыфікацыі іх вынікаў. Пад палітычна матываваны перасьлед трапілі ўдзельнікі пратэстаў, цэлыя прафэсійныя групы і грамадзкія арганізацыі.

Згодна з дасьледаваньнем ініцыятывы BelPol, агульная колькасьць рэпрэсаваных у Беларусі з траўня 2020 году, калі пачалася прэзыдэнцкая выбарчая кампанія, па красавік 2026 году складае ня менш за 500 тысяч.

Паводле зьвестак праваабаронцаў, за кратамі ў Беларусі знаходзяцца больш за 850 палітычных зьняволеных. Кожны месяц такі статус атрымліваюць па 30–50 новых вязьняў.

​
XS
SM
MD
LG