«Цяпер сэрвіс ацэнкі на analytics.nca.by даступны ня толькі для сталіцы, але і для ўсіх абласных гарадоў Беларусі. Гэта важны крок да празрыстасьці рынку нерухомасьці для амаль 4 мільёнаў жыхароў, якія жывуць у Менску і абласных цэнтрах», — адзначаецца ў афіцыйным паведамленьні.
Для аўтаматычнай ацэнкі дастаткова ўвесьці адрас і характарыстыкі кватэры, а сыстэма аўтаматычна вызначыць парамэтры дому, зробіць разьлік і сфармуе падрабязную аналітычную справаздачу.
Сэрвіс аўтаматычнай ацэнкі рынкавага кошту кватэраў, заснаваны на тэхналёгіях штучнага інтэлекту, у Менску ўкаранілі ў кастрычніку 2025 году.
Дзе яшчэ выкарыстоўваюць штучны інтэлект
У жніўні 2025 году стала вядома, што сама меней на двух газавых прадпрыемствах пачала працаваць робат-асыстэнтка Алена, створаная пры дапамозе штучнага інтэлекту.
У кастрычніку паведамілі, што ў Менску рынкавы кошт кватэраў будзе ацэньваць штучны інтэлект.
Перад гэтым, у красавіку 2025-га, разьвіцьцё штучнага інтэлекту ўключылі ў прыярытэтныя кірункі навуковай, навукова-тэхнічнай і інавацыйнай дзейнасьці ў Беларусі на 2026–2030 гады.
Сёлета ў красавіку раённае выданьне «Крычаўскае жыцьцё» паведаміла аб залучэньні ў яго працу журналіста, створанага пры дапамозе штучнага інтэлекту, а ў дарожным прадпрыемстве «Белдарсувязь» аб стварэньні з выкарыстаньнем ШІ сыстэмы папярэджаньня аварыяў з удзелам дзікіх жывёлаў.
У траўні 2026-га ў Дзяржаўным вайскова-прамысловым камітэце Беларусі паведамілі аб укараненьні штучнага інтэлекту (ШІ) ў аўтаматызаваны пункт кіраваньня «Рось», які зможа выяўляць бесьпілётнікі, прагназаваць іх маршрут і выбіраць найбольш эфэктыўныя спосабы супрацьдзеяньня. А з наступнага наступнага навучальнага году для вучняў 8–11 клясаў увядуць факультатыў «Прыкладныя тэхналёгіі штучнага інтэлекту».
Форум