Дзень у гісторыі
1894 — Карэя абвясьціла незалежнасьць ад Кітаю.
1898 — у Віцебску пачаўся трамвайны рух.
1905 — часопіс Annalen der Physik атрымаў рукапіс Альбэрта Эйнштэйна «Пра электрадынаміку рухомых цел». Праз тры месяцы выйшаў артыкул, зь якога сьвет даведаўся пра тэорыю адноснасьці.
1908 — падзеньне Тунгускага мэтэарыту.
1934 — пачалася «ноч доўгіх нажоў» у Трэцім Райху, да 2 ліпеня на загад Гітлера забілі кіраўнікоў штурмавых атрадаў нацысцкай партыі.
1944 — у ноч на 30 чэрвеня зьнішчаны Калдычэўскі лягер сьмерці ў Баранавіцкім раёне. Немцы расстралялі 2 тысячы чалавек, астатніх 300 вывезьлі ў Нямеччыну.
2021 — арыштавалі паліталягіню Валерыю Касьцюгову. Разам з супрацоўніцай ЭГУ Тацянай Кузінай іх асудзілі на 10 гадоў зьняволеньня. 20 сакавіка 2026 году пры пасярэдніцтве ЗША Касьцюгову ў ліку 250 палітвязьняў вызвалілі і дазволілі застацца ў Беларусі.
2021 — у Менску на два гады «хатняй хіміі» асудзілі Вольгу Сінялёву за тое, што адмовілася здаваць кватэру намесьніцы пракурора Аліне Касьянчык, вядомай сваім удзелам у палітычных працэсах
У гэты дзень нарадзіліся
1881 — Павел Растаргуеў, мовазнаўца, дасьледнік беларускай мовы заходняй Браншчыны
1911 — Чэслаў Мілаш, польскі паэт, празаік, эсэіст, ляўрэат Нобэлеўскай прэміі 1980 году.
1946 — Аляксандар Лягчылаў, паэт-песеньнік
1963 — Валера Песін, вольны мастак-авангардыст
1965 – Лявон Юрэвіч, літаратуразнавец, крытык, бібліёграф, архівіст, грамадзкі дзяяч.
У памяці
1969 — Міхайла Грамыка, беларускі пісьменьнік і навуковец.
1993 — Міхась Мельнікаў, беларускі краязнаўца.
2010 — Уладзімер Ісаенка, беларускі археоляг. Ісаенка стаў адкрывальнікам археалёгіі беларускага Палесься, асноўным дасьледчыкам каменнага веку.
2012 — Іцхак Шамір, прэм’ер-міністар Ізраілю. Нарадзіўся ў мястэчку Ружаны на Берасьцейшчыне.
2017 — Аляксандар Крывіцкі, мовазнаўца.
2017 — Ігар Жук, літаратуразнаўца, крытык, гісторык літаратуры
