Паводле Тарасевіча, на першапачатковым этапе размова ішла выключна аб інтарэсах Беларусі і Польшчы. Але ў канчатковым выніку да гэтага працэсу былі падключаны спэцслужбы сямі дзяржаў.
28 красавіка 2026 года на польска-беларускай мяжы адбыўся абмен зьняволенымі паводле формулы «пяць на пяць». Сярод тых, каго Менск перадаў Варшаве, — палітвязень Анджэй Пачобут. Абмен праходзіў у пункце пропуску «Перароў — Белавежа». Паводле дзяржаўнага агенцтва БелТА, у Беларусь перадалі пяць чалавек — грамадзян Беларусі, Расеі і іншых краін СНД, а ў Польшчу — асуджаных у Беларусі і Расеі за «шпіянаж».
Грамадзяне Малдовы, якіх вызвалілі разам з Пачобутам, — супрацоўнікі Службы інфармацыі і бясьпекі. Іх абмянялі на грамадзянку Расеі Ніну Папову і грамадзяніна Малдовы Аляксандра Балана. Апошняга вінавацілі ў дзяржаўнай здрадзе ў інтарэсах КДБ Беларусі. Сярод іншых абмененых на карысьць Расеі — расейскі археоляг Аляксандар Буцягін, затрыманы ў Польшчы на запыт Украіны. Сярод вызваленых у Беларусі грамадзянаў Польшчы — манах-кармэліт Гжэгаж Гавэл.
Камітэт дзяржаўнай бясьпекі Беларусі дзякаваў асабліваму ўнёску ФСБ Расеі.
Форум