Аказваць аўдытарскія паслугі арганізацыям, якія маюць асаблівую эканамічную значнасьць для Рэспублікі Беларусь, змогуць толькі аўдытарскія арганізацыі і аўдытары-ІП, вызначаныя Міністэрствам фінансаў.
Пры гэтым у дакумэнце не пазначаюць, якія арганізацыі, на думку ўраду, маюць «асаблівую эканамічную значнасьць». Іх пералік схаваны пад грыфам «для службовага карыстаньня».
Пастанова ўводзіць і іншыя ўмовы працы праверак з такімі арганізацыямі. Напрыклад, патрабуецца, каб аўдытар фізычна прысутнічаў на тэрыторыі аб’екту.
Таксама аўдытары ня могуць перадаваць інфармацыю аб аб’ектах праз інтэрнэт і захоўваць на прыладах, падключаных да сеціва.
Акрамя таго, інфармацыю забаранілі капіяваць, а дакумэнты абмежаванага распаўсюду нельга складаць электронным чынам — іх можна ствараць толькі на паперы.
Форум