Захарава сказала, што эвакуявалі грамадзян, якія «апынуліся ў складанай жыцьцёвай сытуацыі праз абвастрэньне сытуацыі ў Лібане».
Ізраіль наносіць удары па паўднёвым Лібане ў вайне з падтрымоўванай Іранам «Хэзбалой», але не наносіў удараў па сталіцы Лібану пасьля сэрыі атак па ўсёй краіне 8 красавіка, у выніку якіх загінулі больш за 350 чалавек.
«Хэзбала» — баявая групоўка і палітычная партыя, якая кантралюе значную частку паўднёвага Лібану. ЗША лічаць яе тэрарыстычнай арганізацыяй, хоць Эўразьвяз унёс у чорны сьпіс толькі яе ўзброенае крыло.
Паводле зьвестак лібанскіх уладаў, з 2 сакавіка ў выніку нападаў Ізраілю на Лібан загінулі больш за 2000 чалавек, а больш за мільён мусілі пакінуць свае дамы.
16 красавіка Ізраіль і Лібан пагадзіліся на 10-дзённае перамір’е.
23 красавіка прэзыдэнт ЗША Дональд Трамп 23 красавіка заявіў, што спыненьне агню паміж Ізраілем і Лібанам будзе падоўжанае на тры тыдні пасьля яго сустрэчы з амбасадарамі дзьвюх краін, нягледзячы на ўзнаўленьне баявых дзеяньняў на ізраільска-лібанскай мяжы.
Форум