Рэкордную за апошні год колькасць спробаў незаконнага пераходу з тэрыторыі Беларусі — 134 — зафіксавала 18 красавіка Дзяржаўная памежная ахова Латвіі, сведчыць праведзены «Позіркам» аналіз масіву яе апэратыўных звестак.
Больш спробаў апошні раз адзначалася летась 1 траўня — 148.
Трохзначная колькасць спроб незаконнага пераходу беларуска-латвійскай мяжы мігрантамі з трэціх краін рэгістравалася 16 разоў на працягу 342 дзён, якія прайшлі з таго часу.
Сярод суседніх краін Эўразьвязу Латвія застаецца найбольш папулярным кірункам для спробаў нелегальнага пераходу мяжы зь беларускай тэрыторыі: 1.099 спробаў пранікнення з пачатку красавіка, 1.414 — з пачатку году.
Форум