Абмеркавалі з расейскім палітыкам, блогерам, праваабаронцам, адвакатам Маркам Фейгіным:
«Мы ўзважваем на шалях жыцьці людзей і палітычныя перамены. Вывад з ізаляцыі рэжыму Лукашэнкі ў выніку перамоваў з амэрыканскім бокам, вядома, дапамагае ўстойлівасьці гэтага рэжыму. Зь іншага боку, калі не рабіць гэтага, людзі будуць паміраць [за кратамі], палітзьняволеных закладнікаў будзе станавіцца больш. Ігнараваньне гэтага — антыгуманнае стаўленьне.
У выпадку зь Беларусьсю — у адрозьненьне ад Расеі, якая вядзе вайну з Украінай — палітзьняволеных трэба абменьваць на санкцыі. Іншая рэч, што рэжым Лукашэнкі трэба падманваць, санкцыі потым вяртаць у большым памеры, калі ён набірае новых палітзьняволеных. Гэтае пытаньне ніколі ня вырашыць, калі не зьліквідаваць рэжым Лукашэнкі. Ён заўсёды будзе паразытаваць на гэтай магчымасьці браць закладнікаў з сваіх грамадзян і мяняць іх на паляпшэньне свайго асабістага становішча, улады і г д.».
Форум