Усяго сьпіс палітвязьняў папоўнілі 11 чалавек
- Вацлаў Багдановіч
- Ігар Дзегцяронак
- Аляксандар Яўдаха
- Зьміцер (Дзьмітры) Колас
- Дзьмітры Кондрусь
- Натальля Краўчак
- Раман Карпаў
- Уладзімір Магронаў
- Дзьмітры Новікаў
- Іван Петраневіч
- Аляксей Чарэшнеў
Паводле праваабаронцаў, улады ставяць ім у віну ўзаемадзеяньне з «экстрэмісцкімі» фармаваньнямі, піша «Вясна».
Цяпер у Беларусі 1141 палітычны вязень, пра якога ведаюць праваабаронцы «Вясны». Паводле праваабарончай ініцыятывы Dissidentby, палітвязьняў 1177. Розныя ініцыятывы выкарыстоўваюць розныя крытэры ўлучэньня ў сьпіс.
Перасьлед выдаўцоў у Беларусі
Напрыканцы лютага ў Менску прайшлі масавыя затрыманьні выдаўцоў і кнігараспаўсюднікаў. Паводле інфармацыі «Вясны», агулам было затрымана як мінімум 10 чалавек — частку зь іх адправілі на «суткі».
3 сакавіка 2025 году КДБ абвясьціў «кааліцыю друкаваных выдавецтваў», (якой насамрэч не існуе) экстрэмісцкім фармаваньнем, у якое запісаў «Фонд Kamunikat.оrg», «Lohvinau Publishing House», «Andrei Yanushkevich Publishing» і назваў датычнымі да яе Яраслава Іванюка, Зьмітра Коласа, Ігара Логвінава, Вацлава Багдановіча, Андрэя Янушкевіча і Алеся Яўдаху.
Багдановіч, Колас і Яўдаха цяпер за кратамі.
Форум