Па выніках пасяджэньня ў Маскве 26 лютага падпісаны адпаведны дэкрэт Вышэйшага дзяржаўнага савету, перадае БелТА.
Паводле ТАСС, кіраўнік Расеі Ўладзімір Пуцін адзначыў, што транспартная сетка, якая злучае Расею і Беларусь, пашыраецца: «У гэтым рэчышчы ідзе і прыманае Дзяржсаветам рашэньне аб узнаўленьні прамых прыгарадных чыгуначных зносін паміж суседнімі рэгіёнамі Расеі і Беларусі».
Рэгіянальныя цягнікі ў Смаленск з Воршы і Віцебску адмянілі вясной 2013 году. Але да 2020-га заставаліся цягнікі да першых расейскіх станцый: Віцебск — Рудня і Ворша — Краснае. Іх скасавалі праз пандэмію вясной 2020 году.
З 2024 году і ў аршанскім, і ў віцебскім кірунках ходзяць прыгарадныя цягнікі з Смаленску да першых станцый у Беларусі (Завольша і Асінаўка).
Форум