Як паведаміла Міністэрства ў надзвычайных сытуацыях, увечары 21 лютага адбыўся пажар у пяціпавярховым інтэрнаце на вуліцы Кірава ў Мсьціславе. Работнікі МНС праз акно зь першага паверху ўратавалі двух мужчын і перадалі іх мэдыкам. З будынку эвакуавалі 68 чалавек, у тым ліку 15 дзяцей. Мэдычная дапамога ім не спатрэбілася.
Таксама ўвечары адбыўся пажар у кватэры на пятым паверсе дзевяціпавярховага дома на вуліцы Жукава ў Баранавічах. Работнікі МНС і праваахоўнікі эвакуавалі 16 чалавек, зь іх 4 дзіцяці. Зь іх ніхто не пацярпеў.
Маці гаспадара жытла, дзе адбыўся пажар, уратаваў відавочца здарэньня. Жанчыну шпіталізавалі, як і яе сына, які выбраўся з кватэры сам і атрымаў апёкі.
А ўначы адбыўся пажар на фэрме ў аграгарадку Старыя Цярушкі ў Салігорскім раёне. Работнікі МНС і гаспадаркі эвакуавалі 54 цяляці, жывёлы не пацярпелі.
Ва ўсіх гэтых выпадках прычыны здарэньняў пакуль ня вызначаныя.
Форум