Каля 70 студэнтаў швайцарскага ўнівэрсытэту ETH Цюрых у траўні 2024 году ўзялі ўдзел у мірнай сядзячай забастоўцы ў межах студэнцкіх дэманстрацый у некалькіх гарадах у час вайны ў Газе, пасьля чаго іх разагнала паліцыя.
Студэнты, якія ўдзельнічалі ў пратэстах, выступалі супраць партнэрства швайцарскай навучальнай установы з ізраільскімі ўнівэрсытэтамі, паведамілі экспэрты ААН, піша Reuters.
«Мірны студэнцкі актывізм, як на тэрыторыі ўнівэрсытэту, так і за яе межамі, ёсьць часткай права студэнтаў на свабоду выказваньня меркаваньняў і мірных сходаў і не павінен быць крыміналізаваны», — заявілі ў ААН, дадаўшы, што яны накіравалі лісты ўраду Швайцарыі і ўнівэрсытэту.
Прадстаўнік Фэдэральнага міністэрства юстыцыі і паліцыі Швайцарыі неадкладна не адказаў на запыт аб камэнтары, як і прадстаўнік Цюрыскага палітэхнічнага інстытуту (ETH Zurich).
Пяцёра студэнтаў асуджаныя за незаконнае пранікненьне, у выніку чаго ім прызначылі адтэрмінаваныя штрафы ў памеры да 2700 швайцарскіх франкаў ($3,516.08), судовыя выдаткі ў памеры больш за 2000 швайцарскіх франкаў ($2,604.85) і судзімасьць, якую часта запытваюць будучыя працадаўцы, — выказваюць заклапочанасьць у ААН.
Яшчэ дзесяць чалавек, якія абскардзілі абвінавачваньні, чакаюць прысуду. Двое былі апраўданыя.
Форум