Лінкі ўнівэрсальнага доступу

У Беларусі прайшоў аўкцыён продажу сонечнай электрастанцыі, якую забралі ў брытанскага інвэстара


Найбуйнейшую электрастанцыю Беларусі, якую аднялі ў прыватнай кампаніі «Солар Лэнд», спрабавалі прадаць з аўкцыёну. Ахвочых яе набыць не знайшлося. Інфармацыю пра аўкцыён апублікаваў сайт «БелЮрЗабесьпячэньне».

Комплекс плошчай 220 гектараў у Чэрыкаўскім раёне Магілёўскай вобласьці спрабавалі прадаць з аўкцыёну 14 сакавіка. На аўкцыёне была пазначаная стартавая цана 79,751 млн рублёў. Раніцай зьявілася інфармацыя, што аўкцыён не адбыўся праз брак удзельнікаў, якія захацелі б набыць аб’ект.

Станцыю выставілі на таргі з прычыны даўгоў кампаніі-ўладальніка «Солар Лэнд» — яна сутыкнулася з праблемамі пасьля прэтэнзіяў дзяржаўных структураў, якія запатрабавалі вярнуць грошы, заробленыя на продажы электраэнэргіі.

Станцыю ўвялі ў эксплюатацыю ў лістападзе 2021 году, яе магутнасьць роўная прыкладна 1/11 ад вытворчасьці аднаго энэргаблёку БелАЭС.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG