Лінкі ўнівэрсальнага доступу

Беларускія і расейскія дыпляматы абмеркавалі «сумесныя інфармацыйныя кампаніі ў сацсетках»


Ілюстрацыйнае фота.
Ілюстрацыйнае фота.

«Сумесныя інфармацыйныя кампаніі ў сацыяльных сетках» абмеркавалі 12 лютага ў Маскве прадстаўнікі замежнапалітычных ведамстваў Расеі і Беларусі.

Тэлеграм-канал Міністэрства замежных спраў Беларусі «Глас МИДа» назваў мерапрыемства «міжМЗСаўскімі кансультацыямі па інфармацыйных пытаньнях».

Расейскі бок прадстаўляла група на чале з прэс-сакратаром МЗС Марыяй Захаравай, яе калега Анатоль Глаз узначальваў дэлегацыю Беларусі.

Паведамляецца, што на сустрэчы быў абмеркаваны «шырокі спэктар тэмаў», у тым ліку «функцыянаваньне саюзных СМІ», «тэматыка штучнага інтэлекту», «прасоўваньне турыстычнага патэнцыялу дзьвюх краін».

  • У студзені 2024 году Аляксандар Лукашэнка і Ўладзімір Пуцін дамовіліся стварыць мэдыяхолдынг «саюзнай дзяржавы».
  • У мэдыяхолдынг «саюзнай дзяржавы» ўвойдуць чатыры СМІ — дзьве штотыднёвыя газэты, штотыднёвы часопіс і тэлеканал, «яны забясьпечаць адзіную скаардынаваную інфармацыйную палітыку», паведаміў міністар лічбавага разьвіцьця, сувязі і масавых камунікацый РФ Максут Шадаеў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG