КДБ унёс у «сьпіс тэрарыстаў» Яну Пінчук, адвакатку і пэнсіянэраў

КДБ дадаў у сьпіс «датычных да тэрарыстычнай дзейнасьці» яшчэ 8 чалавек.

У пералік дадалі трох асуджаных беларусак — Яну Пінчук, Натальлю Пятровіч і Анастасію Лазарэнку.

Адвакатка Анастасія Лазарэнка адбывае тэрмін у 6 гадоў калёніі, прысуджаны ёй у траўні 2023 году. Яна кансультавала пацярпелых ля сьценаў ізалятара на Акрэсьціна.

25-гадовую Яну Пінчук прызналі вінаватай паводле пяці артыкулаў, у тым ліку «Стварэньне тэрарыстычнай арганізацыі або ўдзел у ёй» (ч. 1 арт. 290-4 КК). Беларуску экстрадавалі з Расеі ў Беларусь, нягледзячы на забарону Камітэту правоў чалавека ААН.

Натальля Пятровіч — пэнсіянэрка, якой суд прызначыў 6 гадоў калёніі за камэнтары ў інтэрнэце.

ГЛЯДЗІЦЕ ТАКСАМА:

«У калёніі ўсё створана, каб выбіць глебу з-пад ног, каб чалавек упаў духам», — былая палітзьняволеная Класкоўская

Астатнія пяць чалавек у сьпісе — мужчыны. Гэта пэнсіянэр Барыс Вітко, якога вінавацяць у «распальваньні варожасьці» і «закліках супраць нацыянальнай бясьпекі» (артыкулы 130 і 361 КК) і асуджаныя Андрэяй Ігнатовіч, Андрэй Лаўрыновіч, Пётра Старацітараў і Віктар Жаваранак.

Найбольш вядомы сярод іх — 65-гадовы Пётра Старацітараў. Гэта пэнсіянэр з Мазыра, якога асудзілі на 5 гадоў турмы за рэпосты ў Facebook. Сярод пяці артыкулаў, па судзілі мужчыну, знайшліся артыкулы за абразу Лукашэнкі і дыскрэдытацыю Рэспублікі Беларусь (ч. 1 арт. 368 КК і арт. 369-1 КК адпаведна).

ГЛЯДЗІЦЕ ТАКСАМА:

Вядомы бізнэсовец з Мазыра атрымаў 5 гадоў калёніі за рэпосты ў Facebook

ГЛЯДЗІЦЕ ТАКСАМА:

Праваабаронцу Насту Лойку КДБ унёс у «сьпіс тэрарыстаў». ХАМАС там няма