Лінкі ўнівэрсальнага доступу

Алейнік у ААН прапанаваў Беларусь у якасьці пасярэдніка на перамовах паміж Расеяй і Ўкраінай


Сяргей Алейнік
Сяргей Алейнік

Кіраўнік МЗС Беларусі Сяргей Алейнік выступіў на пасяджэньні Рады Бясьпекі ААН з заявай «Падтрыманьне міжнароднага міру і бясьпекі» аб сытуацыі ва Ўкраіне 20 верасьня 2023 году ў Нью-Ёрку.

Тэкст заявы апублікавала прэс-служба МЗС.

Сяргей Алейнік заявіў, што, «знаходзячыся па суседзтве з Украінай, Беларусь, як ніхто іншы, зацікаўлена ў больш хуткім мірным урэгуляваньні гэтага канфлікту». Вінаватыя ў канфлікце паміж Расеяй і Ўкраінай, на яго думку, краіны Захаду, якія «маюць намер ваяваць да апошняга ўкраінца». Алейнік таксама абвінаваціў заходнія дзяржавы ў нежаданьні выконваць менскія дамоўленасьці і гэта, ён лічыць, прывяло да поўнамаштабнай вайны.

«На гэтым фоне поўным абсурдам выглядаюць абвінавачаньні Беларусі ў «дапамозе агрэсіі», — заявіў Алейнік.

Таксама Алейнік падняў тэму ўкраінскіх уцекачоў, якія прыехалі ў Беларусь. Паводле кіраўніка МЗС Беларусі, з канца лютага 2022 года іх колькасьць дасягнула 120 тысяч.

«Нашая краіна нясе гэтую нагрузку самастойна. Замест садзейнічання мы атрымліваем толькі незаконныя санкцыі з Захаду», — сказаў Алейнік.

Ён адзначыў, што ўлады Беларусі запрасілі Генэральнага сакратара ААН наведаць краіну зь візытам асабіста альбо накіраваць сваіх прадстаўнікоў для вывучэньня сытуацыі на месцы.

«Нашы межы адкрытыя, і мы адкрытыя да канструктыўнага супрацоўніцтва», — сказаў кіраўнік МЗС Беларусі.

У канцы свайго выступу Алейнік чарговым разам запрапанаваў Беларусь у якасьці пасярэдніка на мірных перамовах паміж Расеяй і Ўкраінай, «пацьвердзіўшы гатоўнасьць беларускіх уладаў унесьці свой уклад ва ўрэгуляваньне сытуацыі».

  • У лютым 2022 году кіраўніцтва Беларусі падтрымала агрэсію Расеі супраць Украіны і дазволіла скарыстаць вайсковую інфраструктуру і паветраную прастору для ўварваньня расейскай арміі і абстрэлаў мірных гарадоў Украіны, ахвярамі якіх сталі дзясяткі тысяч цывільных украінцаў. Тэрыторыя Беларусі і пазьней актыўна выкарыстоўвалася расейскім войскам для нанясеньня ўдараў па Ўкраіне ў асобныя пэрыяды.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў.
  • Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка даў інтэрвію расейскай прапагандыстцы Вользе Скабеевай, зь якога вынікала, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 1 жніўня Лукашэнка сказаў, што больш як палова тактычнай ядзернай зброі, якую заплянавана разьмясьціць на беларускай тэрыторыі, ужо «завезена і разгрупавана» па краіне. Ён ня раз заяўляў, што ўжыве ядзерную зброю ў выпадку агрэсіі супраць Беларусі.
  • У чэрвені 2023 году ўкраінскія войскі пачалі контранаступальныя апэрацыі на ўсходзе і поўдні краіны. Расейскія войскі падрыхтавалі добра ўмацаваныя лініі абароны, таму прасоўваньне контранаступу ішло са значнымі стратамі.
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы правялі некалькі масавых абстрэлаў украінскіх гарадоў, у Дніпры, Кіеве, Харкаве і іншых месцах дзясяткі людзей загінулі і атрымалі раненьні. Украінскі бок у адказ абстраляў расейскі Белгарад, некалькі чалавек загінулі.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG