Лінкі ўнівэрсальнага доступу

Трох загінулых на заводзе ў Сьветлагорску дагэтуль не пахавалі


Прадпрыемства ў Сьветлагорску, ілюстрацыйнае фота
Прадпрыемства ў Сьветлагорску, ілюстрацыйнае фота

Спэцыялісты, якія займаюцца сьледзтвам, яшчэ праводзяць экспэртызы.

Пра гэта «Гомельскай вясьне» стала вядома ад крыніцы, знаёмай з сытуацыяй. На цэлюлёзна-кардонным камбінаце да гэтага моманту разьбіраюць завалы пасьля выбуху і знаходзяць парэшткі загінулых.

Усё, што знаходзяць, адвозяць у Менск, каб праз генэтычную экспэртызу даведацца, каму належаць парэшткі. Такім чынам, дагэтуль сваякі ня маюць магчымасьці пахаваць сваіх родных.

7 чэрвеня на камбінаце адбылася ўспышка газапаветранай сумесі без наступнага гарэньня. Выбух на заводзе адбыўся прыкладна ў 15:30–15:40. Тады на зьмене працавалі 15 чалавек.

Трагедыя здарылася ў перазьменку. Незадоўга да выбуху работнікі выйшлі з цэху, а трое зь іх затрымаліся — гэта былі выпарвальнікі шчолаку Алег Кацуба, Віктар Раманькоў і Міхаіл Шаціца. Яны загінулі. Яшчэ чацьвёра работнікаў пацярпелі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Падсумаваньне тыдня на Свабодзе – у адным суботнім лісьце! Усе эксклюзіўныя і важныя публікацыі за тыдзень – у нашай эмэйл-рассылцы: так вы ніколі не прапусьціце самае цікавае!

Дык падпісвайцеся!

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG