Лінкі ўнівэрсальнага доступу

У акупаваным Расеяй Луганску асудзілі ўкраінскага праваабаронцу, які дапамагаў беларусам і трапіў у расейскі палон


Максім Буткевіч (у цэнтры) на прэсавай канфэрэнцыі, прысьвечанай праблемам легалізацыі беларусаў ва Ўкраіне. Кіеў, 21 ліпеня 2021
Максім Буткевіч (у цэнтры) на прэсавай канфэрэнцыі, прысьвечанай праблемам легалізацыі беларусаў ва Ўкраіне. Кіеў, 21 ліпеня 2021

Максім Буткевіча акупацыйныя ўлады асудзілі на 13 гадоў калёніі.

У сакавіку 2022 году Максім Буткевіч добраахвотна пайшоў на службу ва ўкраінскае войска, каб абараняць Украіну ад расейскай агрэсіі, а ў ліпені 2022-га стала вядома, што ён трапіў у расейскі палон.

Сьледчы камітэт Расеі паведаміў, што ў акупаванай Расеяй Луганскай вобласьці асудзілі ўкраінскага праваабаронцу Максіма Буткевіча на 13 гадоў пазбаўленьня волі з адбыцьцём пакараньня ў калёніі строгага рэжыму.

Максім Буткевіч — украінскі праваабаронца і журналіст, які спэцыялізуецца на абароне правоў уцекачоў. У красавіку 2021 году ён першым паведаміў аб незаконных дзеяньнях СБУ ў дачыненьні да беларускага анархіста Аляксея Балянкова.

Максім Буткевіч
Максім Буткевіч

Праваабаронца таксама ўдзельнічаў у шэрагу захадаў, прымеркаваных праблемам легалізацыі беларусаў, якія пасьля прэзыдэнцкіх выбараў у 2020 годзе ўцякалі ад палітычнага перасьледу зь Беларусі ва Ўкраіну.

У сакавіку 2022 году ён добраахвотна пайшоў на службу ва ўкраінскае войска, каб абараняць Украіну ад расейскай агрэсіі, а ў ліпені 2022-га стала вядома, што ён трапіў у расейскі палон.

Паводле Сьледчага камітэту Расеі, Максіма Буткевіча асудзілі «за замах на забойства дзьвюх асобаў і наўмыснае пашкоджаньне чужой маёмасьці агульнанебясьпечным спосабам (ч. 3 артыкулу 30 пп. „а, е“ ч. 2 артыкулу 105 Крымінальнага кодэксу Расеі)».

У паведамленьні ўдакладняецца, што Максім Буткевіч нібыта «з супрацьтанкавага гранатамёта абстраляў пад’езд жылога дома ў Севераданецку Луганскай вобласьці».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG