RT France, францускае падразьдзяленьне расейскага дзяржаўнага вяшчальніка, закрыецца пасьля таго, як яго банкаўскія рахункі ў Францыі замарозілі ў рамках апошніх санкцый ЭЗ супраць Масквы за яе ўварваньне ва Ўкраіну, заявіла 21 студзеня дырэктар тэлеканалу.
«Празь пяць гадоў перасьледу ўлады дасягнулі сваёй мэты: закрыцьця RT France», — заявіла Ксенія Фёдарава ў Twitter.
Раней расійскія інфармацыйныя агенцтвы са спасылкай на ананімную крыніцу ў МЗС заявілі, што Масква будзе помсьціць францускім СМІ ў Расеі за закрыцьцё банкаўскіх рахункаў RT France.
Цяпер краіны Эўразьвязу працуюць над 10-м пакетам санкцый супраць Расеі за яе ўварваньне ва Ўкраіну, ён можа набыць сілу ўжо ў лютым. У прыватнасьці, прадстаўнікі ЭЗ хочуць атрымаць ухвалу міністраў на сёмы транш вайсковай дапамогі Ўкраіне ў памеры 500 мільёнаў эўра.
