Лінкі ўнівэрсальнага доступу

У Берасьці палітвязьня Сальмановіча абвінавацілі ў «тэрарызьме» і пакаралі на 10 год узмоцненага рэжыму


Суд у Берасьці
Суд у Берасьці

Берасьцейскі абласны суд 30 верасьня вынес жорсткі прысуд па крымінальнай справе палітзьняволенага Дзяніса Сальмановіча.

Яго абвінавацілі адразу па пяці артыкулах Крымінальнага кодэкса, паведамляе Праваабарончы цэнтар «Вясна»:

  • ч. 2 арт. 290-4 — стварэньне арганізацыі для ажыцьцяўленьня тэрарыстычнай дзейнасьці або ўдзел у ёй;
  • ч. 1 арт. 342 — арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх;
  • ч. 3 арт. 130 — распальваньне іншай сацыяльнай варожасьці;
  • ч. 3 арт. 361-1 — стварэньне экстрэмісцкага фармаваньня альбо ўдзел у ім;
  • ч. 3 арт. 361 — заклікі да санкцый.


Судовы працэс, які пачаўся 20 верасьня, вёў судзьдзя Мікалай Лешчанка.

Дзяніса Сальмановіча ўзялі пад варту 4 кастрычніка 2021 года па абвінавачваньні ў спрыяньні ў тэрарызьме і ўдзеле ў тэрарыстычнай арганізацыі, а таксама ў распальваньні расавай, нацыянальнай, рэлігійнай альбо іншай сацыяльнай варожасьці. Дзяніса сілавікі называлі «галоўным візуальным рэдактарам» ролікаў «Кібер-партызан» і «Супраціву».

У дзень затрыманьня супрацоўнікі ГУБАЗіКу з тэлефона затрыманага напісалі маці: «Я не магу размаўляць, мне не хапае паветра, я задыхаюся».

Дзянісу 30 гадоў. У дзень затрыманьня ён быў дома з малодшай сястрой, на той момант яна была непаўналетняй.

«Сілавікі ўварваліся ў дом раніцай, пачалі абражаць дачку рознымі словамі, спрасонку яна нічога не зразумела. Яна чула, як гэтыя нелюдзі ўварваліся ў пакой да Дзяніса, а ён тады хварэў каранавірусам», — распавядала ягоная маці.

Суд прызнаў Дзяніса Сальмановіча вінаватым і па сукупнасьці абвінавачаньняў прысудзіў яму пазбаўленьне волі тэрмінам на 10 год ва ўмовах узмоцненага рэжыму, а таксама штрафу ў памеры 6 400 рублёў.

Сальмановіча яшчэ чакае разгляд грамадзянскага пазову на суму 33 000 рублёў за нібы перакрыцьцё дарог.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG