Лінкі ўнівэрсальнага доступу

Узброеныя сілы Ўкраіны ўвайшлі ў Ліман. Расея заявіла аб выхадзе «ў больш выгадныя раёны»


Ілюстрацыйнае фота
Ілюстрацыйнае фота

1 кастрычніка прэс-сакратар Усходняй групоўкі Ўзброеных сіл Украіны Сяргей Чараваты ў этэры нацыянальнага тэлемаратону «Адзіныя навіны» пацьвердзіў, што Ўзброеныя сілы Ўкраіны ўвайшлі ў Ліман Данецкай вобласьці і ў горадзе працягваюцца баі.

«Інфармацыя і відэа, якія вы бачылі са стэлай, адпавядаюць рэчаіснасьці. Мы ўжо ў Лімане. Але ідуць баі. Падрабязнасьці будуць пазьней», — сказаў ён.

Крыху раней, 1 кастрычніка, кіраўнік Офісу прэзыдэнта Ўкраіны Андрэй Ярмак апублікаваў відэа, на якім украінскія вайскоўцы стаяць каля стэлы на ўезьдзе ў Ліман і вывешваюць украінскі сьцяг.

У той самы дзень фонд «Вярніся жывым» апублікаваў відэа зь Ліману і паведаміў, што на ім бачна, як расейскія вайскоўцы спрабуюць уцячы з гораду.

Яшчэ раней 1 кастрычніка Сяргей Чараваты паведаміў, што расейская групоўка ў раёне Ліману трапіла ў акружэньне. Адказваючы на пытаньне аб колькасьці расейскіх вайскоўцаў у акружэньні, Чараваты назваў лічбу каля 5 тысяч, але адзначыў, што лічба можа быць і меншай.

1 кастрычніка Міністэрства абароны Расеі абвясьціла аб адводзе сваіх войскаў зь Ліману «ў больш выгадныя раёны» — пасьля заяваў украінскіх вайскоўцаў аб акружэньні.

«У сувязі са стварэньнем пагрозы акружэньня войскі саюзьнікаў адведзены ад населенага пункту Чырвоны Ліман (старая назва Ліману — РС) на больш выгадныя рубяжы», — сказана ў паведамленьні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG