Як паведамляе «Настоящее время» са спасылкай на тэлеграм-канал губэрнатара, пацярпелых і ахвяраў няма. Кіраўнік акругі вывозіць жыхароў паселішчаў Цімонава і Солаты на бясьпечную адлегласьць. На месцы працуюць апэратыўныя службы, прычына пажару высьвятляецца.
У тэлеграм-каналах зьявіліся відэа, як сьцьвярджаецца, пажару ў Белгарадзкай вобласьці.
У прымежных з Украінай раёнах пасьля пачатку поўнамаштабнага расейскага ўварваньня быў уведзены «жоўты» узровень тэрарыстычнай небясьпекі. Улады Бранскай, Белгарадзкай і Курскай абласьцей неаднаразова паведамлялі аб абстрэлах, як яны сьцьвярджалі, з украінскага боку, у выніку якіх былі ахвяры і разбурэньні.