«Сустрэча магчымая да гэтага форуму», — сказаў прадстаўнік Крамля, адказваючы на пытаньне ТАСС. «Мы паведамім вам своечасова», — пракамэнтаваў ён інфармацыю пра магчымасьць такой сустрэчы ў Санкт-Пецярбургу 25 чэрвеня.
Таксама, па словах Пяскова, Крэмль паведаміць пра фармат удзелу Пуціна — вочны або празь відэасувязь — у Форуме рэгіёнаў Расеі і Беларусі ў Горадні.
Тым часам на сайце Flightaware відаць, што беларускі ўрадавы самалёт Boeing 737-800 з рэгістрацыйным нумарам EW-001PA, які выкарыстоўвае Аляксандар Лукашэнка, ужо вылецеў з Воршы і ляціць над тэрыторыяй Расеі.
Сёлета Лукашэнка і Пуцін сустракаліся ўжо 5 разоў, кожны раз у Расеі.
Міністар замежных спраў Расеі Сяргей Лаўроў наведае Беларусь 30 чэрвеня — 1 ліпеня, паведаміла прэс-служба МЗС РФ.
Лаўроў мае сустрэцца з Аляксандрам Лукашэнкам, з кіраўніком МЗС Беларусі Ўладзімірам Макеем, а таксама выступіць перад студэнтамі і выкладчыкамі Беларускага дзяржаўнага ўнівэрсытэту.
«Акрамя таго, у Менску пад старшынствам Сяргея Лаўрова будзе праведзена выязное пасяджэньне Камісіі Генэральнага савету партыі „Единая Россия“ па міжнародным супрацоўніцтве і падтрымцы суайчыньнікаў за мяжой», — гаворыцца ў паведамленьні расейскага МЗС.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў