Лінкі ўнівэрсальнага доступу

Затрыманьне настаўніка за SMS, крымінальная справа за відэа з вайсковым самалётам. Мапа антываеннага супраціву


Ілюстрацыя да мапы антываеннага супраціву 23 траўня 2022
Ілюстрацыя да мапы антываеннага супраціву 23 траўня 2022

Свабода працягвае зьбіраць прыклады, як беларусы супраціўляюцца расейскаму ўварваньню ва Ўкраіну.

Мастака затрымалі за графіці ў падтрымку Ўкраіны

У Новалукомлі затрымалі мастака-афарміцеля зь мясцовай ДРЭС за надпісы ў падтрымку Украіны. 23-гадовы хлопец на цеплатрасе напісаў «Слава Ўкраіне» і «Рускі ваенны карабель, ідзі на ***». А пад Чашнікамі каля вёскі Старыя Лаўкі на вайсковай гармаце намаляваў бел-чырвона-белы і ўкраінскі сьцягі.

На заснавальніка BYSOL Андрэя Стрыжака завялі чарговую справу. Пракуратура паведамляе, што ў дачыненьні да Стрыжака дадаткова распачалі крымінальную справу паводле ч. 2 арт. 361-3 Крымінальнага кодэксу за «фінансаваньне і іншае матэрыяльнае забесьпячэньне ўдзелу на тэрыторыі замежнай дзяржавы ва ўзброеным фармаваньні, збройным канфлікце, ваенных дзеяньнях».

Крымінальная справа зьвязаная з дапамогай беларусам ва Ўкраіне.

Хлопца затрымалі за жаданьне паехаць ваяваць за Ўкраіну

У Менску затрымалі 19-гадовага Андрэя Раптуновіча. Праўладныя тэлеграм-каналы паведамляюць, што ён нібыта зьбіраўся паехаць ва Ўкраіну і далучыцца да батальёна Каліноўскага. Што яму інкрымінуюць, пакуль невядома.

Затрымалі настаўніка, бо паведамляў аб перасоўваньні расейскай вайсковай тэхнікі

Сілавікі затрымалі настаўніка, які дасылаў журналістам «Белсату» SMS-паведамленьні аб перасоўваньні расейскай вайсковай тэхнікі.

Пракуратура накіравала ў суд крымінальную справу 23-гадовага жыхара Пінскага раёну за «садзейнічаньне экстрэмісцкай дзейнасьці». Ведамства паведамляе, што ён зьняў на відэа вайсковы самалёт, а потым скінуў відэа «дэструктыўным тэлеграм-каналам».

Крымінальная справа за публікацыю ў тэлеграм-канале

ГУБАЗіК затрымаў вядомага экаактывіста Паўла Наздру. У «пакаяльным» відэа Павал расказвае, што «зрабіў публікацыю на тэлеграм-канале „Беларускі Гаюн“ аб перасоўваньні расейскіх войскаў у горадзе Мазыры». Яму інкрымінуюць артыкул 361-4 КК РБ («Садзейнічаньне экстрэмісцкай дзейнасьці»).

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў.
  • Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка даў інтэрвію расейскай прапагандыстцы Вользе Скабеевай, зь якога вынікала, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 1 жніўня Лукашэнка сказаў, што больш як палова тактычнай ядзернай зброі, якую заплянавана разьмясьціць на беларускай тэрыторыі, ужо «завезена і разгрупавана» па краіне. Ён ня раз заяўляў, што ўжыве ядзерную зброю ў выпадку агрэсіі супраць Беларусі.
  • У чэрвені 2023 году ўкраінскія войскі пачалі контранаступальныя апэрацыі на ўсходзе і поўдні краіны. Расейскія войскі падрыхтавалі добра ўмацаваныя лініі абароны, таму прасоўваньне контранаступу ішло са значнымі стратамі.
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы правялі некалькі масавых абстрэлаў украінскіх гарадоў, у Дніпры, Кіеве, Харкаве і іншых месцах дзясяткі людзей загінулі і атрымалі раненьні. Украінскі бок у адказ абстраляў расейскі Белгарад, некалькі чалавек загінулі.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG