Лінкі ўнівэрсальнага доступу

«Аднаму вуха адрэзалі, той не хацеў размаўляць». СБУ апублікавала яшчэ адну размову расейскага вайскоўца з бацькам


Расейскія салдаты ў акупаваным Марыюпалі, 17 траўня 2022
Расейскія салдаты ў акупаваным Марыюпалі, 17 траўня 2022

«Гэта яшчэ што. Гэта яшчэ яму кулю ў лоб не пусьцілі ці БТРам не чвартавалі. Так што гэта яшчэ нармальна».

Служба бясьпекі Ўкраіны абнародавала чарговы запіс тэлефонных размоў расейскіх салдат, у якіх яны паведамляюць сваім бацькам, як абстрэльваюць мірныя населеныя пункты і катуюць украінскіх палонных.

На пытаньні бацькі, ці ёсьць у іх «Грады», вайсковец адказвае: «Яны за вёскай стаяць і «паліваюць» адтуль — «Грады», мінамёты, «Букі».

Расейскі салдат ганарыцца тым, як абстрэльваюць населены пункт (ён выкарыстоўвае шмат ненарматыўнай лексыкі, якую мы замянілі нэўтральнымі словамі):

«Мы сёньня так (някепска) сябе паказалі. Мы, лічы, вёску з трох бакоў атачылі, нах.., і (абстрэльвалі). Проста хаты (зусім) зносілі, стралялі па ўсім — па хатах, па машынах. Усе хаты танкамі і БТРамі (раструшчылі) і двух палонных узялі», — расказвае ён бацьку.

Расеец таксама выхваляецца, што забралі ва ўкраінскіх жаўнераў зброю. «Вуха аднаму адрэзалі». А калі бацька запытаў, навошта, той расьсьмяяўся і адказаў: «Ён не хацеў гаварыць, яму вуха адрэзалі».

Бацька канстатаваў жорсткасьць, але ягоны сын-вайсковец дадаў:

«Гэта яшчэ што. Гэта нармальна. Гэта яшчэ яму кулю ў лоб не пусьцілі ці БТРам не чвартавалі. Так што гэта яшчэ нармальна. Мякка. А так можна было яго проста паставіць: вунь кораб ад кулямёта, 100 патронаў-„сямёрак“ — і проста ў яго выпусьціць, карацей, друшляк зь яго зрабіць. Ну максымум, можна было яшчэ пальцы адсекчы, пару...».

Бацька выслухаў гэта і запытаў, ці выдаюць расейскім салдатам пайкі.

«З Расеі выяжджалі, яны нам там давалі, і ўсё. Так зрэдку нехта жарэ... Вунь цяпер пацаны схадзілі ў выведку, прынесьлі каўбасу, маянэз, сала», — адказаў расеец. І дадаў, што гэта яны набылі ня ў краме, а «па людзях прайшліся».

«У нас танк. Калі нехта там (будзе супраціўляцца) — мінус хата і жыві, як хочаш, на вуліцы», — расказаў расеец свайму бацьку.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў.
  • Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка даў інтэрвію расейскай прапагандыстцы Вользе Скабеевай, зь якога вынікала, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 1 жніўня Лукашэнка сказаў, што больш як палова тактычнай ядзернай зброі, якую заплянавана разьмясьціць на беларускай тэрыторыі, ужо «завезена і разгрупавана» па краіне. Ён ня раз заяўляў, што ўжыве ядзерную зброю ў выпадку агрэсіі супраць Беларусі.
  • У чэрвені 2023 году ўкраінскія войскі пачалі контранаступальныя апэрацыі на ўсходзе і поўдні краіны. Расейскія войскі падрыхтавалі добра ўмацаваныя лініі абароны, таму прасоўваньне контранаступу ішло са значнымі стратамі.
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы правялі некалькі масавых абстрэлаў украінскіх гарадоў, у Дніпры, Кіеве, Харкаве і іншых месцах дзясяткі людзей загінулі і атрымалі раненьні. Украінскі бок у адказ абстраляў расейскі Белгарад, некалькі чалавек загінулі.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG