Лінкі ўнівэрсальнага доступу

Пуцін дазволіў адпраўляць добраахвотнікаў з Блізкага Ўсходу ваяваць за «ДНР» і «ЛНР»


Уладзімір Пуцін
Уладзімір Пуцін

Прэзыдэнт Расеі Ўладзімір Пуцін дазволіў адпраўляць добраахвотнікаў ваяваць у «ДНР» і «ЛНР». Кіраўнік дзяржавы распарадзіўся дапамагчы ім перабрацца ў зону баявых дзеяньняў. Пра гэта ён заявіў на нарадзе Рады бясьпекі Расеі.

Пуцін аргумэнтаваў сваё рашэньне тым, што нібыта нейкія «заходнія спонсары ўкраінскага рэжыму» адпраўляюць наймітаў з усяго сьвету ваяваць на тэрыторыю Ўкраіны. Пуцін лічыць, што гэта робіцца насуперак «усялякім нормам міжнароднага права».

Падчас паседжаньня Рады бясьпекі міністар абароны Сяргей Шайгу заявіў, што ведамства атрымала каля 16 тысяч заявак ад добраахвотнікаў з Блізкага Ўсходу, якія хочуць прыехаць у «ЛНР» і «ДНР». Паводле яго слоў, яны зьбіраюцца ўзяць удзел у «вызваленчым руху». Пуцін распарадзіўся «пайсьці ім насустрач» і дапамагчы.

Прэзыдэнт Расеі таксама дазволіў перадаць «ЛНР» і «ДНР» сродкі супрацьпаветранай абароны і супрацьтанкавыя ракетныя комплексы, а таксама ўкраінскую і заходнюю зброю, захопленую расейскімі вайскоўцамі.

Раней пра тое, што Расея зьбіраецца адправіць ваяваць на тэрыторыю Ўкраіны наймітаў з Сырыі, якія маюць досьвед вядзеньня баявых дзеяньняў у гарадзкіх умовах, паведамляла The Wall Street Journal. Выданьне спаслалася на амэрыканскія ўрадавыя крыніцы.

Дарадца кіраўніка Офісу прэзыдэнта Ўкраіны Міхаіл Падаляк у гэтай сувязі назваў добраахвотнікаў, пра якіх казаў Пуцін, былымі баевікамі Ісламскай дзяржавы:

  • 27 лютага прэзыдэнт Украіны Ўладзімір Зяленскі абвясьціў, што ў рамках Сіл тэрытарыяльнай абароны ствараецца «інтэрнацыянальны легіён» з замежнікаў, якія хочуць ваяваць на баку Ўкраіны.
  • Расейскае збройнае ўварваньне на тэрыторыю Ўкраіны пачалося 24 лютага на загад прэзыдэнта Ўладзіміра Пуціна. Мэтамі ваеннай апэрацыі ён назваў «дэнацыфікацыю» і «дэмілітарызацыю» Ўкраіны, але не ўдакладніў, што канкрэтна мае на ўвазе.

Вайна Расеі супраць Украіны

  • А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
  • Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
  • Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
  • 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
  • З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў.
  • Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
  • Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
  • 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
  • У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка даў інтэрвію расейскай прапагандыстцы Вользе Скабеевай, зь якога вынікала, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
  • 1 жніўня Лукашэнка сказаў, што больш як палова тактычнай ядзернай зброі, якую заплянавана разьмясьціць на беларускай тэрыторыі, ужо «завезена і разгрупавана» па краіне. Ён ня раз заяўляў, што ўжыве ядзерную зброю ў выпадку агрэсіі супраць Беларусі.
  • У чэрвені 2023 году ўкраінскія войскі пачалі контранаступальныя апэрацыі на ўсходзе і поўдні краіны. Расейскія войскі падрыхтавалі добра ўмацаваныя лініі абароны, таму прасоўваньне контранаступу ішло са значнымі стратамі.
  • 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
  • У канцы 2023 і на пачатку 2024 расейцы правялі некалькі масавых абстрэлаў украінскіх гарадоў, у Дніпры, Кіеве, Харкаве і іншых месцах дзясяткі людзей загінулі і атрымалі раненьні. Украінскі бок у адказ абстраляў расейскі Белгарад, некалькі чалавек загінулі.
  • Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG