Лінкі ўнівэрсальнага доступу

«Справаздачыцца перад ЗША мы не зьбіраемся». МЗС Беларусі абвергла магчымасьць нападу Расеі на Ўкраіну зь беларускай тэрыторыі


Анатоль Глаз
Анатоль Глаз

Прэс-сакратар МЗС Анатоль Глаз адказаў на пытаньне выданьня «РИА Новости» пра магчымы напад Расеі на Ўкраіну, а таксама — ці прывядуць зьмены ў беларускую Канстытуцыю да разьмяшчэньня на тэрыторыі Беларусі расейскай ядзернай зброі.

Ён, са спасылкай на расейскіх калегаў, назваў гэта дэзынфармацыяй.

«Мы неаднаразова прама казалі, што з нашай тэрыторыі ніколі ня будзе паходзіць пагроза, цяпер гэтая норма ўнесена ўжо нават у праект Канстытуцыі», — заявіў прэс-сакратар ведамства.

Ён выказаў думку, што крыніца дэстабілізацыі абстаноўкі ў рэгіёне — «нарошчваньне замежнай ваеннай прысутнасьці па пэрымэтры беларускіх межаў».

«Амэрыканскія калегі заклапаціліся яшчэ і патэнцыйным разьмяшчэньнем узброеных сіл і ядзернай зброі на тэрыторыі нашай краіны. Калі я не памыляюся, то менавіта ЗША з ЭЗ апошнім часам заўзята адстойваюць сьвятое права кожнай дзяржавы самастойна вызначаць, з кім і ў якія аб’яднаньні ці саюзы ўступаць. Ці гэта пра іншае? Так што даваць справаздачу перад ЗША мы не абавязаныя і не зьбіраемся», — заявіў афіцыйны прадстаўнік дыпляматычнага ведамства.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG