Лінкі ўнівэрсальнага доступу

Украіна бачыць у кібэратацы беларускі сьлед; апэрацыю АДКБ сплянавалі Лукашэнка з Пуціным. Найважнейшае за 15 студзеня


Наступсты моцнага ветру 14 студзеня. Фота з сайту МНС
Наступсты моцнага ветру 14 студзеня. Фота з сайту МНС

Падзеі дня 15 студзеня.

Намесьнік сакратара Рады нацыянальнай бясьпекі і абароны Ўкраіны Сяргей Дземядзюк сьцьвярджае, што за кібэратакай на сайты ўкраінскіх міністэрстваў стаяць хакеры з групоўкі UNC1151, зьвязанай з выведнымі службамі Беларусі.

Лукашэнка на сустрэчы зь беларускімі вайскоўцамі, якія завяршылі місію ў Казахстане, заявіў, што міратворчая апэрацыя АДКБ у Казахстане была распрацаваная ім і Пуціным.

Міністэрства надзвычайных спраў Беларусі 15 студзеня апублікавала апэратыўную справаздачу аб наступствах учорашняга моцнага ветру ў краіне.

Беларускія журналісты Ірына Арахоўская і Віктар Контар, якія ў 2020 годзе былі вымушаныя зьехаць з краіны, апублікавалі праект RUN DOG RUN. Ён расказвае пра хатніх жывёлаў, якія паехалі зь Беларусі ў выгнаньне ўсьлед за сваімі гаспадарамі.

Радыё Свабода публікуе фрагмэнты другога тому кнігі Сяргея Абламейкі «Невядомы Менск. Гісторыя зьнікненьня». У кнізе расказваецца, як Менск у ХХ стагодзьдзі страціў сваю самую старую частку — раён Замчышча, Нізкага і Рыбнага рынкаў, які называўся Старым горадам. Сёньня — другая частка.

Пад канец мінулага году ў выдавецтве «Янушкевіч» выйшаў раман Габрыеля Гарсія Маркеса «Восень патрыярха» ў беларускім перакладзе Сяргея Шупы. Зь перакладчыкам пагутарыў Ян Максімюк.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG