Лінкі ўнівэрсальнага доступу

Дзяржсакратар ЗША асудзіў прысуды шасьцём беларускім палітвязьням


Энтані Блінкен

Злучаныя Штаты асуджаюць сёньняшнія палітычна матываваныя прысуды беларускім апазыцыянэрам Сяргею Ціханоўскаму, Мікалаю Статкевічу, журналісту Радыё Свабода Ігару Лосіку і іншым, вынесеныя на судовых працэсах, якія не адпавядаюць вяршэнству права, заявіў дзяржасакратар ЗША Энтані Блінкен.

«Ні гэтыя асобы, ні беларускі народ не заслугоўваюць такіх жорсткіх рэпрэсій, — адзначыў Блінкен. — На жаль, гэтыя прысуды зьяўляюцца чарговым сьведчаньнем ігнараваньня рэжымам (…) міжнародных абавязаньняў, а таксама правоў чалавека і асноўных свабод беларусаў. Беларускі народ заслугоўвае лепшага».

«Мы паўтараем наш заклік да рэжыму Лукашэнкі спыніць рэпрэсіі супраць прадстаўнікоў грамадзянскай супольнасьці, незалежных СМІ, палітычнай апазыцыі, спартоўцаў, студэнтаў, юрыстаў і іншых беларусаў; неадкладна вызваліць усіх больш як 900 палітвязьняў, у тым ліку спадароў Ціханоўскага, Лосіка, Статкевіча і іншых; весьці сапраўдны дыялёг з дэмакратычнымі сіламі і грамадзянскай супольнасьцю; правесьці свабодныя і справядлівыя выбары пад міжнародным назіраньнем; спыніць жорсткую эксплюатацыю ўразьлівых мігрантаў; і выконваць свае абавязаньні па міжнародным праве», — дадаў дзяржсакратар ЗША.

14 сьнежня быў вынесены прысуд па «справе Ціханоўскага». Сяргей Ціханоўскі атрымаў 18 гадоў калёніі, Ігар Лосік і Ўладзімер Цыгановіч — па 15 гадоў, Дзьмітры Папоў і Арцём Сакаў — па 16 гадоў. Палітыка Міколу Статкевіча пакаралі калёніяй на 14 гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG