Лінкі ўнівэрсальнага доступу

Рэдактар «Новой газеты» Муратаў згадаў Беларусь у нобэлеўскай лекцыі


Дзьмітры Муратаў атрымаў Нобэлеўскі мэдаль, Осла, 10 сьнежня 2021 г.

У сталіцы Нарвэгіі прайшла цырымонія ўзнагароджваньня ляўрэатаў Нобэлеўскай прэміі. Прэмію міру сёлета атрымалі расеец, галоўны рэдактар «Новой газеты» Дзьмітры Муратаў і філіпінка Марыя Рэса.

У сваім нобэлеўскім выступе Муратаў прыгадаў міграцыйны крызіс на мяжы Беларусі і краін Эўразьвязу:

«У цэнтры Эўропы да падзеяў на ўсходзе Ўкраіны дадалася гульня на мяжы вялікай крыві беларускага прэзыдэнта Лукашэнкі. Ягоныя вайскоўцы гоняць пад аўтаматамі ўцекачоў з Блізкага Ўсходу на ланцугі аўтаматчыкаў, якія ахоўваюць межы Эўразьвязу. Бакі абвінавачваюць адзін аднаго, а ашалелыя людзі кідаюцца літаральна паміж двух агнёў.

Мы журналісты, нашая праца зразумелая: падзяліць факт і хлусьню. Новае пакаленьне журналістаў-прафэсіяналаў умее працаваць зь вялікімі дадзенымі, з інфармацыйнымі базамі. І мы вывучылі іх, мы знайшлі, чые самалёты дастаўляюць уцекачоў у пункт канфлікту. Толькі факты.

Беларускія самалёты павялічылі рэйсы ў Менск з Блізкага Ўсходу восеньню гэтага году больш як у чатыры разы. Шэсьць рэйсаў было ў жніўні-лістападзе 2020 году і 27 рэйсаў — за тыя ж месяцы сёлета. 4,5 тысячы чалавек прывезла беларуская кампанія для магчымага прарыву мяжы сёлета, і толькі 600 чалавек — летась. А яшчэ столькі ж — 6000 уцекачоў — даставіла авіякампанія з Іраку.

Так і арганізуюцца збройныя правакацыі і канфлікты. Мы, журналісты, высьветліўшы, як гэта зроблена, зрабілі сваю працу. Далей — справа палітыкаў».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG