Лінкі ўнівэрсальнага доступу

Фрылансэра Свабоды Андрэя Кузьнечыка пакаралі яшчэ 10 суткамі арышту, прэзыдэнт Радыё Свабода патрабуе яго вызваленьня


Андрэй Кузьнечык
Андрэй Кузьнечык

Андрэй Кузьнечык другі раз запар пакараны 10 суткамі арышту.

6 сьнежня фрылансэру Радыё Свабода Андрэю Кузьнечыку прысудзілі яшчэ 10 сутак арышту, паведамілі ў ягонай сям'і. Яго зноў судзілі за «дробнае хуліганства». Віны Андрэй не прызнаў, перадач для яго не бяруць. Пасьля першых 10 сутак Андрэя Кузьнечыка не адпусьцілі.

З нагоды гэтага выраку Прэзыдэнт Радыё Свабода/Радыё Свабодная Эўропа Джэймі Флай заявіў:

«Падаўжэньне тэрміну пакараньня Андрэя паводле абсурдна сфабрыкаваных абвінавачаньняў само па сабе павінна разглядацца як злачынства. Выкраданьне Андрэя, арганізаванае дзяржавай, працягваецца, і гэта яшчэ адзін з крокаў рэжыму Лукашэнкі дзеля таго, каб заблякаваць доступ незалежнай інфармацыі да беларускага народу. Андрэю павінна быць дазволена вярнуцца да сваёй сям'і неадкладна».

Першы вырак Андрэю Кузьнечыку

26 лістапада ў Менску адбыўся першы суд над фрылансэрам Радыё Свабода Андрэем Кузьнечыкам. Пра вырак пазьней стала вядома ягоным сваякам. Заводзкі раённы суд Менску прызнаў тады Андрэя Кузьнечыка вінаватым у дробным хуліганстве і пакараў 10 суткамі арышту. Андрэй на працэсе віны не прызнаў. Яго зьмясьцілі ў турму на Акрэсьціна.

25 лістапада фрылансэр Радыё Свабода Андрэй Кузьнечык перастаў выходзіць на сувязь. Неўзабаве стала вядома, што яго затрымалі і правялі ў кватэры ператрус, забраўшы грошы, тэхніку і іншыя прадметы. На наступны дзень стала вядома, што Кузьнечыка зьмясьцілі ў ізалятар на Акрэсьціна. Жонцы Андрэя Алесі Рак у ізалятары, аднак, сказалі ўдзень, што яе мужа ў іх няма.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG