Лінкі ўнівэрсальнага доступу

У ЗША падрыхтавалі закон аб вывучэньні ў школах гісторыі камунізму і ГУЛАГу


Статуя Леніна на даху будынка ў Нью-Ёрку.

Рэспубліканцы ў Палаце прадстаўнікоў ЗША прадставілі законапраект, які заахвочвае школы ўключаць у навучальныя праграмы гісторыю камунізму.

Дакумэнт прадставіла на прэсавай канфэрэнцыі кангрэсвумэн з Флорыды Марыя Салазар, якая нарадзілася ў сям’і кубінскіх эмігрантаў. Яго распрацоўвалі 60 чальцоў ніжняй палаты амэрыканскага парлямэнту.

Па словах Салазар, траціна прадстаўнікоў пакаленьня Z, якія нарадзіліся ў пэрыяд з 1997 па 2012 год, добразычліва ставяцца да камунізму, а больш за 40 працэнтаў міленіялаў «кажуць, што мала ведаюць аб марксізме». Дэпутат лічыць, што школы мусяць даць жыхарам больш ведаў пра гэта.

«Праўда ў тым, што камунізм — гэта рак, — заявіла Салазар. — Адзіная роўнасьць, якую забясьпечвае камунізм, — гэта быць аднолькава беднымі, аднолькава галоднымі, аднолькава прыгнечанымі і аднолькава высланымі».

«Амэрыканскія навучэнцы павінны ведаць аб савецкіх ГУЛАГах, як Сталін наўмысна марыў голадам 3, 5 мільёна ўкраінцаў, — заявіў кангрэсмен Дэн Крэншоў з Тэхасу. — Яны павінны ведаць аб культурнай рэвалюцыі Мао, у выніку якой загінулі дзясяткі мільёнаў кітайцаў. Яны павінны ведаць аб сучасным рабстве, у якім наўпрост цяпер жывуць мусульмане-уйгуры».

Паводле яго, законапраект закліканы гарантаваць, што камунізм «застанецца на звалцы гісторыі — там, дзе яму і месца». «Школьнікі павінны ведаць, што азначае футболка з партрэтам Чэ Гевары, якую носіць іх аднаклясьнік», — дадаў ён.

  • У чэрвені губернатар-рэспубліканец Рон Дэсантыс падпісаў закон, які патрабуе выкладаньня гісторыі камунізму ў дзяржаўных сярэдніх школах штату Флорыда. На цырымоніі падпісаньня ён зазначыў, што выпускнікі школ павінны ведаць аб небясьпецы таталітарных ідэалёгій.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG