Прадстаўнікі сырыйскага ўраду і апазыцыі пасьля перапынку ў дзевяць месяцаў зноў пачалі перамовы аб новай Канстытуцыі краіны. Перамовы адбываюцца пры пасярэдніцтве ААН, піша «Голас Амэрыкі».
Прадстаўнік ААН неафіцыйна сустрэўся ў нядзелю з чальцамі камітэту, якому даручана распрацаваць праект. Прадстаўнік арганізацыі ў краіне Ґейр Пэдэрсэн заявіў, што ў камітэце, які складаецца з 45 дэлегатаў ад урадавых і апазыцыйных сілаў, дасягнулі згоды што да першых крокаў, якія спатрэбяцца, каб ісьці наперад у перамовах.
Канстытуцыйная рэформа, як чакаецца, павінна пакласьці канец вайне, якая доўжыцца ў Сырыі больш за дзесяцігодзьдзе і прывяла да гібелі 500 тысяч чалавек. 13,5 мільёна вымушана пакінулі свае дамы, нехта пераехаў у іншы рэгіён Сырыі, а хтосьці ў іншыя краіны.
Ґейр Пэдэрсэн спадзяецца, што перамовы ня будуць зацягнутымі, бо звыш 13 мільёнаў чалавек маюць патрэбу ў гуманітарнай дапамозе, больш за 90% сырыйцаў жывуць за рысай беднасьці. У ААН ёсьць надзея, што чальцы Канстытуцыйнага камітэту будуць весьці размову па сутнасьці і выказвацца адкрыта.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў