Лінкі ўнівэрсальнага доступу

У Нюрнбэргу пройдзе канфэрэнцыя, прысьвечаная прававому ціску на Лукашэнку


Аляксандар Лукашэнка
Аляксандар Лукашэнка

Праўнік Каардынацыйнай рады і Народнага антыкрызіснага кіраўніцтва Міхаіл Кірылюк расказвае ў інтэрвію Свабодзе аб прававой канфэрэнцыі ў Нюрнбэргу, прысьвечанай злачынствам сілавікоў супраць мірных пратэстоўцаў у Беларусі і прававому ціску на рэжым Лукашэнкі.

Сустрэча мае прайсьці на наступным тыдні ў месцы, дзе пасьля ІІ сусьветнай вайны судзілі ваенных злачынцаў. У канфэрэнцыі маюць узяць удзел палітыкі, праўнікі, якія вядуць справы па міжнароднай юрысдыкцыі ў розных краінах, а таксама пацярпелыя ад рэпрэсій у Беларусі, якія падалі свае дакумэнты ў розныя міжнародныя арганізацыі.

На гэтай канфэрэнцыі гаворка будзе ісьці аб прававым ціску на рэжым у Беларусі: як паскорыць тыя ці іншыя прававыя рашэньні супраць Аляксандра Лукашэнкі. Кірылюк зьвяртае ўвагу на чатыры асноўныя пытаньні канфэрэнцыі: унівэрсальная юрысдыкцыя, міжнародны трыбунал па злачынствах у Беларусі, справа прызнаньня Лукашэнкі тэрарыстам і непрызнаньне яго і ягоных прадстаўнікоў як ураду Беларусі.

«Амаль год таму міжнародны дакладчык АБСЭ адзначыў у сваім дакладзе, што ў Беларусі больш няма прававой сыстэмы і што ёсьць прававы дэфолт. У сваім дакладзе ён напісаў, што ёсьць усе падставы стварыць міжнародны орган, які будзе расьсьледаваць злачынствы ў Беларусі і судзіць. Бо беларускай судовай сыстэме няма даверу», — кажа Міхаіл Кірылюк.

Праўнік нагадвае, што такія трыбуналы ў гісторыі ствараліся толькі чатыры разы: два па пытаньнях злачынстваў нацыстаў, а два чарговыя — па генацыдзе ў Югаславіі і Руандзе.

«Там гінулі сотні тысяч людзей. Беларусь цяпер пятая. Гэта сур’ёзнае суседзтва. Міжнародная супольнасьць ставіць злачынствы ў Беларусі ў адзін шэраг са злачынствамі ў Руандзе, Югаславіі і злачынствамі нацыстаў», — кажа праўнік.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG