Арганізацыя штогод праводзіла пікеты ў памяць пра ахвяраў пратэсту на плошчы Цяньаньмэнь у 1989 годзе. Тады Народна-вызваленчая армія Кітая ўжыла агнястрэльную зброю і бронетэхніку, каб разагнаць мітынг. Загінулі па розных зьвестках ад некалькіх соцень да некалькіх тысячаў чалавек.
У жніўні паліцыя папярэдзіла, што супраць удзельнікаў Ганконскага альянсу вядзецца расьсьледаваньне — іх падазраюць у працы на замежныя дзяржавы.
У 2020 годзе кіруючая Камуністычная партыя Кітая прыняла новы закон аб нацыянальнай бясьпецы. Ён абмежаваў свабоду слова і паставіў пад пагрозу працу апазыцыйных партый. Пасьля чаго некалькі некамэрцыйных грамадзянскіх арганізацый абвясьцілі аб роспуску. Больш за 100 актывістаў былі арыштаваныя, сярод іх — лідэры Ганконскага альянсу.