У службе тэхнічнай падтрымкі хостэр-правайдэра рэдакцыі паведамілі, што «рэсурс заблякаваны на падставе рашэньня Міністэрства інфармацыі».
Кіраўніцтва мэдыя накіравала электронны зварот у ведамства, каб высьветліць, на якой падставе заблякаваны сайт Ex-press.by — ніякіх папярэджаньняў да таго не было. На гэты час афіцыйнага адказу няма.
Паводле рэдакцыйнай статыстыкі, 6 жніўня да моманту блякаваньня — ад 00.00 да 14.00 — на сайт зайшлі 169,5 тысячы ўнікальных карыстальнікаў.
У офісе выданьня запэўніваюць, што празь некалькі дзён сайт будзе адноўлены на новым дамэнным імені.
«Мы меркавалі пра падобнае разьвіцьцё падзеяў. Але не разьвітваемся!», — захоўваюць аптымізм заснавальнікі рэсурсу.
У сярэдзіне ліпеня журналісты папулярнага барысаўскага мэдыя празь перасьлед зьехалі зь Беларусі.
Пакуль што чытаць навінавую стужку Ex-press.by з Барысава можна ў сацыяльных сетках:
- https://vk.com/ex.pressby
- https://ok.ru/group/53895032406270
- https://www.facebook.com/EX.PRESS.BY.news
- https://www.youtube.com/user/exPressBY
- https://www.instagram.com/ex_press.by/
- https://t.me/expressby
